«Adaı» kúıi sırek kezdesetin aspappen oryndaldy
Qurmanǵazynyń ataqty kúıin dombyramen Pavlodar mýzykalyq kolledjiniń muǵalimi Saltanat Ótemisova jáne oblystyq fılarmonııanyń qazaq ulttyq aspaptary orkestriniń ártisi Meıirman Baıbosynov oryndady.
Olardy Qazaqstanda elektrovıolonchelde oınaı alatyn jalǵyz mýzykant – oblystyq fılarmonııanyń sımfonııalyq orkestriniń ártisi Ksenııa Delıahmetoǵlý óziniń balamasy joq aspabymen súıemeldedi.
- Bul klıpte «Adaıdyń» dástúrli únine elektrovıolonchel aralasyp, kúıge erekshe áýez berip tur, - deıdi oblystyq fılarmonııa dırektorynyń orynbasary Látıpa Quraqbaeva. – Onyń maǵynasy – qazaqtyń ulttyq áýezderin kez kelgen mýzykalyq aspap arqyly eń joǵary deńgeıde oryndaýǵa bolatynyn dáleldeý. Oǵan qosa klıpti kórseńiz, onda dombyra men elektrovıolonchel, kim myqty degendeı, bir-birimen jarysa oınaıdy.
Beınebaıan «Ertis Medıa» JShS tehnıkalyq qoldaýymen Pavlodardaǵy 17-qabattyq turǵyn úıdiń shatyrynda túsirilgen. Beıneklıpte sondaı-aq, Pavlodar men Baıanaýyldyń sulý jerleri kórsetilgen.
