Adasyp ketken tikushaq «Shymkent-Samara» tas jolyndaǵy júrgizýshilerden jol surady
ShYMKENT. QazAqparat - «Shymkent-Samara» tas jolynda elimizdiń Qorǵanys mınıstrligine tıesili tikushaq jolǵa qonyp, júrgizýshilerden jol suraǵan. Ushqyshtyń júk kólikteri júrgizýshilerimen sóılesken beınetúsirilim YouTube jelisindegi «Zello Kaz » paraqshasynda jarııalandy, - dep habarlaıdy QazAqparat HAA tilshisi
Túsirilimde ushaqtyń úlken jolǵa qonǵan sáti kórsetiledi. Odan keıin ushqysh jol jıegine toqtaǵan júrgizýshiden alǵan baǵyttan adasyp qalǵanyn, ári Aqtóbe qaı jaqta ekenin surapty. Beıne túsirilimdi túsirgen júrgizýshiler ózara áńgimelesip, ushqyshtyń qalaısha adasyp qalǵanyn, múmkin ushaqty kýrsanttar júrgizýde me dep tańyrqaǵan.
Túsirilimdi kórgen áleýmettik jeli qoldanýshylary adasqan ushqyshtyń is-áreketine qatysty túrli pikirler jazypty. Olar «tehnıka damyǵan zamanda ushaq qalaısha adasyp qalady» dese, bireýler «GPS jelisin nege qoldanbasqa» dep syn aıtqan. Bir saǵattyń ishinde beınetúsirilimdi kórgenderdiń sany 12 myńnan asty.
