«Adastyrmaıtyn aýyzbirshilik» - respýblıkalyq basylymdarǵa sholý
***
Keshe Memleket basshysy Nursultan Nazarbaev 1 mamyr - Qazaqstan halyqtarynyń birligi kúnine arnalǵan merekelik sharalarǵa qatysty. Onda Elbasy osynaý bir úıdiń balasyndaı, bir qoldyń salasyndaı tatý tátti tirshilik keship jatqan ulttar men ulystardyń aýyzbirshiligin ulyqtaıtyn merekeniń máni men eldegi birlik, tatýlyq pen kelisim sııaqty uǵymdardyń mańyzyna toqtaldy. «Halqymyzdyń ultyna, jáne dinı nanymdaryna qaramastan, dostyq pen senim, yntymaqtastyq pen aýyzbirlik bizdiń otandastarymyzdyń barlyǵyna tán. Bul - bizdiń birligimizdiń negizi, bizdiń turaqtylyǵymyz ben rýhanı kúshimizdiń qaınar kózi, erteńgi kúnge degen senimimiz. Biz alýan mádenı jáne tildik orta alaýyzdyq pen arazdyqqa sebep bola almaıtynyn kúlli álemge kórsettik. Kerisinshe, bul bizdiń mańyzdy strategııalyq damý resýrsymyz»,-dedi N.Nazarbaev. Bul týraly «Egemen Qazaqstan» gazetiniń búgingi sanynda jaryq kórgen «Adastyrmaıtyn aýyzbirshilik» atty maqalada jazylǵan.
Sonda-aq osy basylym Qazaqstan halqy Assambleıasy tóraǵasynyń orynbasary -Hatshylyq meńgerýshisi Eraly Toǵjanovtyń «Turaqtylyq, birlik, jańǵyrtý» atty maqalasyn jarııalady. Onda E.Toǵjanov Qazaqstan halqy Assambleıasynyń búgingi qazaqstandyq qoǵamdy qalyptastyrýdaǵy róli, bolashaq mindetteri jáne jalpy qoǵamdaǵy ultaralyq, dinaralyq kelisim men tózimdilik faktorlary jónindegi oılarymen bólisedi.
***
«Qazaq tilin memlekettik til retinde damytýdyń eń basty joldarynyń biri - ony ǵylym men tehnıka tili retinde damyta túsý jáne salalyq termınologııalyq sózdikterdi jasaýdy bir júıege túsirý, retke ketirý men jetildirý»,-deıdi til mamandary. Osy maqsatta Qazaqstan Ulttyq jaratylystaný ǵylymdary akademııasynyń músheleri salalyq termınologııalyq sózdikterdi jasaýdy qolǵa aldy. Jýyrda «Qaınar»
ýnıversıtetiniń májilis zalynda osy máselege arnalǵan dóńgelek ústel otyrysy ótti. Onda da osy másele kóterildi jáne olar «Qazaq ádebıeti» basylymynda «Termınologııalyq sózdik jasaýdyń keıbir máseleleri» atty taqyryppen jaryq kórdi.
***
Qazaqstan Respýblıkasy Prezıdenti janyndaǵy Memlekettik basqarý akademııasynda «Memlekettik etnosaıasatty ǵylymı-taldaýmen qamtamasyz etý, mindetter men perspektıvalar» atty taqyrypta Qazaqstan halqy Assambleıasynyń XIX sessııasynyń qorytyndysyna arnalǵan dóńgelek ústel otyrysy ótti. Atalmysh sharaǵa Memlekettik basqarý akdemııasynyń professorlary men ustazdarynan bólek Assambleıanyń ǵylymı-saraptamalyq keńesiniń ókilderi de qatysty.Onda Memlekettik basqarý akademııasynyń rektory Bolatbek Ábdirásilov ǵylymı-saraptamalyq keńes ókilderiniń Assambleıa sessııasynda Memleket basshysy kótergen bastamalardyń barlyǵyn júzege asyratyndyǵyn atap ótti jáne osy baǵyttaǵy qadamdar elimizdiń ulysaralyq, konfessııaaralyq kelisimine jańa, tyń serpin bermek. Atalmysh jıynda kóterilgen osy máseleler «Kazahstanskaıa pravda» basylymynyń búgingi sanyndaǵy «Formýla soglasııa» atty maqalasynda qamtylǵan.
