«Adastyrmaǵan aýyzbirlik. Keden odaǵynan - Birtutas ekonomıkalyq keńistikke» - respýblıkalyq basylymdarǵa sholý
ASTANA. Jeltoqsannyń 21-i. /QazAqparat/ - Qazaq aqparat agenttigi respýblıkalyq basylymdarda jeltoqsannyń 21-i, dúısenbii kúni jaryq kórgen materıaldarǵa sholýdy usynady.
«Adastyrmaǵan aýyzbirlik. Keden odaǵynan - Birtutas ekonomıkalyq keńistikke». Osy taqyryppen «Egemen Qazaqstan» gazeti Almatyda ótken TMD-nyń jeti eliniń memleket basshylarymen ótken beıresmı sammıtke egjeı-tegjeıli toqtalǵan. Basqosýda Belarýs, Reseı jáne Qazaqstan basshylary - A. Lýkashenko, D. Medvedev jáne N. Nazarbaev 2010 jyldyń 1 qańtarynan bastap, Keden odaǵyn quratyndyǵy týraly málimdeme jasady. «biz qol jetkizýdi nıet etip otyrǵan basty nárse - bizdiń halyqtarymyzdyń joǵary sapaly ómiri, bizdiń elderimizdiń turlaýly ekonomıkalyq jáne áleýmettik damýy» delingen atalǵan málimdemede.
Bul sammıtke «Kazahstanskaıa pravda»gazeti de arnaıy maqala arnaǵan. «Jeksenbi kúni Almatyda QR Prezıdenti N. Nazarbaevtyń bastamashylyǵymen ótken TMD-nyń jeti eliniń Prezıdentteriniń eki kúndik beıresmı basqosýy aıaqtaldy. Osy sammıtte Kedendik odaq memleketteriniń basshylary - N. Nazarbaev, D. Medvedev jáne A. Lýkashenko Birtutas ekonomıkalyq keńistik qurý boıynsha birlesken is-qımyldar josparyna qol qoıdy», dep jalǵaıdy «Kazahstanskaıa pravda».
«Aqjaıyqta alynǵan asýlar» taqyrybymen berilgen «Egemen Qazaqstan» gazetindegi kelesi maqala Úkimet Basshysynyń Batys Qazaqstan oblysyna jumys saparyn keńinen jazǵan. K. Másimov bul saparynda Terekti aýdanyndaǵy ósimdik maıyn óndiretin zaýytty kórip, kóz aýrýlaryn emdeıtin jańadan ashylǵan densaýlyq nysanynyń jumysymen tanysty. Odan ózge «Jol kartasy» aıasynda atqarylyp jatqan jumystardy pysyqtap, áleýmettik-ekonomıkalyq mańyzdy nysandardy aralap kórip, oń baǵasyn berdi.
El gazetindegi kelesi bir taǵylymdy maqala «Táýelsizdik jáne Prezıdent» taqyrybymen jaryq kórgen. Bul maqalada Abaı atyndaǵy qazaq ulttyq pedagogıkalyq ýnıversıtetiniń basqarma bastyǵy, professor Baqtııar Smanov joǵary bilim salasynda Memleket basshysynyń tikeleı qoldaýymen júzege asqan ıgi ister men jetistikterge toqtalǵan.
Osy aptada «Jalyn» respýblıkalyq ádebı-kórkem jáne áleýmettik jýrnalynyń 12-shi nómiri oqýshy qaýymnyń qolyna tıdi. Jýrnaldyń bul sanynan M. Myrzahmetovtyń «Halyq sanaǵy: Ósý men óshý» atty maqalasyn, M. Shahanovtyń Jeltoqsan kóterilisi týrasynda bergen suhbatyn, sondaı-aq basqa da taqyryptardaǵy qyzyqty maqalalardy tabýǵa bolady.
Qazaqstandyqtar Táýelsizdik meıramyn buqaralyq oıyn-saýyqtyq, merekelik is-sharalarmen, kontserttermen ǵana emes, áleýmettik -ekonomıkalyq turǵydan mańyzdy nysandar men halyqtyń dańqty uldaryna eskertkishter ashý, páter kiltterin tabys etý sekildi ıgi istermen de atap ótti. Bul týrasynda «Kazahstanskaıa pravda» gazetinińbetterinen oqýǵa bolady.
