Adasqan týrıst jándikterdi talǵajaý etip, aman qaldy
ASTANA. QazAqparat - Sý tasqyny saldarynan baǵytynan jańylysqan nemis týrısi Bekpeker Avstralııada adasyp, úsh apta boıy jándiktermen qorektengen.
17 aqpanda Kvınslend shtatyndaǵy Logrııa qalasynyń ońtústik- batysyna qaraı jaıaý jolǵa shyqqan 26 jasar Danıel iz-túzsiz joǵalyp ketedi.
Buǵan deıin jas jigit birneshe aı boıy Jańa Ońtústik Ýels jáne Kvınslend arqyly kele jatqanda polıtsııamen baılanysyn úzbegen kórinedi. Biraq sý tasqynyna tap bolǵan ol adasqan. Biraz ýaqytqa deıin aınalasyn sý basqan shaǵyn ǵana qurǵaq jerdi panalap, jan baqqan. Jergilikti fermerler men polıtseılerdiń izdestirý sharalary da esh nátıje bermedi.
Onyń aıtýynsha, sol ýaqyt aralyǵynda talǵajaý etken shybyn-shirkeı onyń ómirin saqtap qalǵan. Danıeldi kezdeısoq mototsıklmen kele jatqan adam taýyp alady.
