Adasqan alpınıster Almatynyń taýlarynan tabyldy
ASTANA. QazAqparat - Almaty mańyndaǵy Býtakov shatqalynda Anatolıı Býkreev shyńyn (3010 m) baǵyndyrýǵa shyqqan 11 alpınıst adasyp qaldy, dep habarlaıdy QR ІІM TJ komıtetiniń baspasóz qyzmeti.
Habarlamada «Qutqarýshylar «Pıoner» týrıstik bazasyna jedel jetip, sol jerden Qotyrbulaq taýy (3030 m) aýdanynan baǵyt aldy. 20 mınýttan keıin qutqarýshylar joldan adasqan 11 alpınısti tapty. Olarǵa eshqandaı medıtsınalyq kómek qajet bolǵan joq», - delingen.
Saıahatshylar tobynan Frantsııa azamatshasy bólinip qalǵany anyqtaldy.
«Ol baǵyt boıynsha júrýden bas tartyp, Medeý aýdanyndaǵy Býtakov shatqalynda túneýge qalyp qoıǵan. Qutqarýshylar eki topqa bólindi, biri - alpınısterdiń negizgi quramyn qalaǵa jetkizip, polıtsııa qyzmetkerlerine tabystaýǵa jumyldyrylsa, ekinshi toptaǵy tórt adam saıahatshylar qatarynan qalyp qoıǵan Frantsııa azamatshasyn izdeýge Býtakov shatqalyna shyqty. 40 mınýttan keıin Marı Serverdi taýyp alǵan jedel top ony turǵylyqty jerine jetkizdi», - deıdi TJ qyzmetiniń baspasóz qyzmeti.
Qutqarýshylar Almaty turǵyndary jáne saıahatshylarynan taý ishinde jalǵyz júrmeýin, aldyn ala belgilengen baǵyttan aýytqymaı, kartadaǵy baǵytty qatań qadaǵalaýǵa shaqyrdy.
