Adamzattyń rýhanı qundylyqtary qataryna dál qazaq halqyndaı úles qosqan halyq joq - Q.Borashev

ASTANA. 21 jeltoqsan. QazAqparat - Adamzattyń rýhanı qundylyqtary qataryna dál qazaq halqyndaı úles qosqan halyq joq. Bul pikirdi búgin «Dala daýysy» radıo festıvaliniń  qorytyndy kontsertinde sóz sóılegen QR Mádenıet jáne aqparat mıınstriniń ókili Qýat Borashev bildirdi.

«Dala daýysy» atty tuńǵysh ret ótkizilip otyrǵan radıo festıvaldiń úlken tabyspen aıaqtalýymen barshalaryńyzdy shyn júrekten quttyqtaımyz. Jalpy, qazaq halqynyń rýhanı murasy mol, mádenıeti máýeli el ekendigi barshaǵa belgili. Adamzattyń rýhanı qundylyqtarynyń qataryna dál qazaq halqyndaı úles qosqan halyq joq dep aıtýǵa bolady», - dedi ol.

Onyń atap ótýinshe, ǵalamsharda tipti aýyz ádebıeti ne bolmasa folklorynyń ózi 100  tomǵa jetken eshbir halyq joq. Sol sııaqty qazaqtyń án-kúıi de, dástúri de jyldan-jylǵa qanat jaıyp órkendep keledi.

«Sonyń bir aıǵaǵy búgingi «Qazaqstan» teleradıo korporatsııasy basshylyǵynyń, onyń ishinde «Qazaq» radıosy basshylyǵynyń tikeleı uıymdastyrýymen ótkizilip otyrǵan «Dala daýysy» radıo festıvali dep aıtýǵa bolady», - dep atap ótken ol Mádenıet jáne aqparat mınıstrligi atynan festıvaldi uıymdastyrýshylarǵa alǵysyn bildirdi.