Adamzatty tolǵandyratyn ortaq problema - jumyssyzdyq
Brıfıng «Nurly Jol-bolashaqqa bastar jol» Joldaýy aıasyndaǵy ónerkásiptik saıasat týraly órbigen bolatyn.
Reseılik sarapshynyń pikirinshe, búgingi jahandaǵy eń basty problemanyń biri - jumys ornynyń tapshylyǵy.
«Jer sharynda 7 mlrd adam bar, olardyń sany kún sanap ósip te jatyr. Solardyń 5 mıllıardy eńbekke qabiletti. Al dúnıedegi turaqty jumys oryndarynyń sany 1,2 mlrd -ty ǵana quraıdy. ıAǵnı, jer halqynyń shırek bóliginde turaqty jumys joq degen sóz. Aıta keteıin, amerıkalyq bedeldi kompanııa 100-den astam memleketten 5 mıllıardtan astam halyqty qamtı otyryp, jyl saıyn saýalnama júrgizip keledi. Al onyń nátıjesi ǵasyr jańalyǵyna aınalyp otyr. Ol qandaı jańalyq? Baqsaq, adamzatty tolǵandyratyn ortaq bir ǵana problema bar, bul - jumyssyzdyq. Jer sharyndaǵy eńbekke qabiletti adamnyń úshten birinde turaqty jumys joq», - dedi A. Idırısov.
Onyń sózine qaraǵanda, terrorızmniń, júgensiz kóshi-qonnyń túp-tórkini jumyssyzdyqta jatyr. Sondyqtan da, álemniń kóshbasshylary ózderiniń búgingi hám bolashaqtaǵy basty máselesi retinde halyqty jumyspen qamtýdy atap otyr.
«Shyndyǵynda, ekonomıkalyq ósim eki faktorǵa baılaýly: jumys ornynyń sany men eńbek ónimdiligi. Osy turǵydan alsaq, Qazaqstan qolǵa alǵan ındýstrııalandyrý baǵdarlamasynyń mazmuny sapaly jumys oryndaryn qurý arqyly ekonomıkanyń tyń negizin qalaý bolyp tabylady. Árıne, shıkizattyq ekonomıkadan biz tolyǵymen bas tarta almaımyz, bul Qazaqstannyń ekonomıkalyq damýynyń irgeli bazasy. Degenmen, ındýstrııalandyrý - ártaraptandyrýdaǵy jaqsy qadam. Osy turǵydan alǵanda birinshi besjyldyqtyń nátıjeleri qýantarlyq», - dedi sarapshy.
