Adamzattyń rýhanı murasyn saqtaý úshin dinı nysandardy qorǵaý óte ózekti - Memleket basshysy
ASTANA. KAZINFORM – Álemdik jáne dástúrli dinder kóshbasshylarynyń VIII Cezinde kóptegen qundy ıdeıa men usynys aıtyldy. Bul týraly Prezıdent Qasym-Jomart Toqaev málim etti.
- Forým búginde dinder men mádenıetter arasyndaǵy yqpaldastyqty damytýdyń, barsha adamzattyń jarqyn bolashaǵy úshin yntymaqtastyqty nyǵaıtýdyń qanshalyqty mańyzdy ekenin kórsetti. Plenarlyq jáne sektsııalyq otyrystarda, dinı oryndar men nyshandardy qorǵaý boıynsha arnaıy sessııalarda, sarapshylar dóńgelek ústelinde jáne jas dinı kóshbasshylar forýmynda kóptegen qundy ıdeıa men usynys aıtyldy. Sizder destrýktıvti aǵymdar men zorlyq-zombylyqty qatań aıyptap, qazirgi daǵdarystardy retteý múmkindikterin qarastyrdyńyzdar, áleýmettik teńsizdikti eńserý men ınklıýzıvti qoǵam qurý joldaryn talqyladyńyzdar. Ekologııa, ornyqty damý, jańa tehnologııalar men jasandy ıntellektiniń adam ómirine áseri máselelerine erekshe mán berildi. Sezdiń ashylýynda sóılegen sózimde dinı dıplomatııanyń halyqaralyq arenadaǵy dıalog pen senimdi nyǵaıtýda mańyzdy ról atqaratynyn aıtqan edim. Sizderdiń de bul ustanymmen kelisetinderińiz qýantady, – dedi Qasym-Jomart Toqaev.
Prezıdent jahanda túbegeıli ózgerister oryn alyp jatqan kezeńde din kóshbasshylary barsha halyqqa adamgershilik qasıetter men gýmanıstik qundylyqtardyń shamshyraǵy bolýǵa tıis dep sanaıdy.
– Eki kún ishinde sizder Sezd jumysynyń basty baǵyttary men keleshek kún tártibi týraly ortaq uıǵarymǵa keldińizder. Ol birlesken qorytyndy Deklaratsııada kórinis tabady. Barlyq forým qatysýshylaryn, sondaı-aq Іzgi nıet elshilerin osy Deklaratsııanyń ıdeıalaryn belsendi nasıhattaýǵa shaqyramyn. Sizderdiń klımat ózgeristerimen kúrestegi din basshylarynyń róli týraly qujat ázirleý, sondaı-aq din jáne gýmanızm turǵysynan jasandy ıntellektini jaýapkershilikpen paıdalanýdyń jalpyǵa birdeı qaǵıdattaryn qalyptastyrý týraly Sezd Hatshylyǵyna bergen usynymdaryńyzdy tolyq qoldaımyn. BUU Órkenıetter alıansynyń sessııasyn aıryqsha atap ótkim keledi, – dedi Memleket basshysy.
Budan keıin Prezıdent tarıhı eskertkishterdi, mádenı áralýandyqty jáne adamzattyń rýhanı murasyn saqtaý úshin dinı nysandardy qorǵaý óte ózekti ekenin jetkizdi.
– Qazaqstanda mundaı is-sharalardy ótkizý Ortalyq Azııa aımaǵynda atalǵan másele úlken mańyzǵa ıe ekenin kórsetedi. Jas dinı kóshbasshylar forýmy óskeleń urpaqtyń sabaqtastyqty saqtaýǵa, dıalog pen ózara túsinistik jolyn jalǵaýǵa umtylatynyn baıqatty. ıAǵnı álemniń keleshegi bar degen sóz. Sarapshylardyń dóńgelek ústeli rýhanı dıplomatııanyń áleýetin keńinen túsinýde ǵylym men dinı ilim sınergııasy mańyzdy ekenin tanytty. Bul baǵytty halyqaralyq yntymaqtastyqtyń quramdas bóligi retinde kúsheıtý qajet dep sanaımyn, – dedi Qasym-Jomart Toqaev.
Aıta keteıik, búgin elordada álemdik dinder kóshbasshylary seziniń deklaratsııasy qabyldandy.
Cez qatysýshylar qabyldaǵan «Astana beıbitshilik deklaratsııasy 2025» BUU Bas Assambleıasy 80-sessııasynyń resmı qujaty retinde taratylady.