«Adamzat tajal qarýyna qarsy toptasýǵa tıis» - respýblıkalyq basylymdarǵa sholý

«Halyqaralyq dárejede ótetin anımatorlar festıvaline TMD, Baltyq jaǵalaýy memleketteri, AQSh, Japon eli, Frantsııa, Qytaı, Germanııa, Polsha sekildi jıyrmaǵa jýyq memleketten jáne Qazaqstannan elýden astam mamandar qatysady dep josparlanyp otyr. Olardyń arasynda esimderi álemge áıgili Á.Qaıdarov aǵamyz, E.Nazarov, ıÝ.Norshteın, S.Almov bolady dep kútilýde»,-dep jazady «Alash aınasy» gazetiniń búgingi sanynda. Anımatsııa salasynyń «jiligin shaǵyp, maıyn ishken» mamandardyń kezdesýi týraly tolyǵyraq gazettegi «Álem anımatorlary Shymkentte bas qospaq» atty maqaladan oqı alasyzdar.

Alash aınasy» gazetiniń búgingi sanynda jaryq kórgen kelesi maqala «Baıqońyr kerek-aq, biraq ekologııa máselesin kim sheshedi?» degen atpen berilipti. Aty aıtyp turǵandaı maqala elimizdegi ekologııalyq máselelerge nazar aýdarypty. «12 sáýir «Jerdi adamǵa tabyndyrǵan» ataýly kún bolatyn. Biraq áli kúnge óz meshiti de joq Baıqońyr qalasy men ǵarysh aılaǵyna baılanysty birqatar qaıshylyqty jaǵdaılarǵa kýá bolyp otyrmyz. Basqasyn bylaı qoıǵanda, osydan tórt jyldaı buryn Qyzylorda oblysynyń «Jańaqala» jáne «Qýańdarııa» eldi mekenderine «Dnepr» zymyran tasyǵyshy qulady»,-deıdi basylym

Sondaı-aq «Alash aınasy» gazetiniń dástúrli «Dat!» aıdarynda «Zań naqty talap qoıylyp, oryndalǵan kezde ǵana ómirsheń kúshke ıe bolady» degen taqyrypta, senator Tólegen Muhamedjanovpen bolǵan suhbat jarııalanypty. Suhbatta senator elimizdiń mádenı ómirine serpin berýde jetispeı jatqan zańdyq normalar, jáne basqa da ózekti máseleler tóńireginde oı órbitedi.

***

Vashıngtonda ótip jatqan ıAdrolyq qaýipsizdik jónindegi jahandyq sammıttiń birinshi sessııasynda Elbasy Nursultan Nazarbaev birqatar elderdiń prezıdentteri jáne úkimet basshylarymen kezdesti. Atalǵan taqyrypty arqaý etken maqala «Egemen Qazaqstan» basylymynyń búgingi sanynda «Adamzat tajal qarýyna qarsy toptasýǵa tıis» degen taqyryppen berilipti. «Memleket basshysymen áńgime­le­sýshiler qazaqstandyq kóshbas­shy­nyń Qazaqstanda halyqaralyq beıbitshilik pen toleranttylyqty, óńirde qaýipsizdik pen turaqty­lyq­ty nyǵaıtýdaǵy, onyń halyq­aralyq saıasatqa belsendi qaty­sýda­ǵy mańyzdy rólin atap ótti. Qa­zaq­standa barlyq azamattardyń ul­ty­na jáne dinı senimine qaramastan, olardyń teń quqyǵy naqty qamtamasyz etip otyrylǵandyǵy atap ótildi. Bul Qazaqstan halqy Assam­bleıasy qyzmetine belsene qatysyp kele jatqan ulty evreı azamat­ta­ryna qatysty. Búkilálemdik evreı kongresiniń basshylary Qazaq­stan­daǵy kelisim men toleranttylyq modeli álemniń kóptegen ózge elderi úshin aıqyn mysal bolyp taby­latynyna toqtaldy»,- dep jazdy basylym.

Osy taqyrypty arqaý etken maqalany «Aıqyn», «Alash aınasy» gazetteriniń búgingi sanynan da oqı alasyzdar.

Sondaı-aq atalmysh basylymda «Bólshektengen atom álemdi bólshektep júrmesin» degen taqyryppen Elbasy Nursultan Nazarbaevtyń Vashıngtonda ótip jatqan ıAdrolyq qaýipsizdik jónindegi jahandyq sammıttiń birinshi sessııasynda sóılegen sózi jarııalanypty.

Táýelsiz el bolǵannan bergi jyldar ishindegi ótken jol, shyqqan belesterdi - altyn árippen jazyp, búginginiń tanyp-bilýimen qatar, bolashaq urpaqtyń enshisine qaldyratyn ýaqyt jetti. Sol ıgilikti isti elordadaǵy Qazaqstan Respýblıkasy Prezıdenttik mádenıet ortalyǵy júzege asyrýda. Táýelsiz Otanymyzdyń jıyrma jylǵa taıaý ýaqyt ishindegi tarıhyn júıelegen eńbektiń alǵashqy qarlyǵash tomdary jaryq kóre bastady. Sol ıgilikti jobanyń negizgi avtory Myrzataı Joldasbekov taıaýda Elbasy Nursultan Nazarbaevtyń qabyldaýynda bolyp, osy irgeli eńbek týraly jan-jaqty málimet berip, 14 tomdy tabys etken bolatyn. «Egemen Qazaqstan» gazetiniń búgingi sanyndaǵy «Táýelsizdik shejiresi» degen taqyryptaǵy suhbatta kórnekti memleket jáne qoǵam qaıratkeri, tanymal ǵalym Myrzataı Joldasbekov osy týraly keńinen áńgime órbitipti.

«Egemen Qazaqstan» gazetinde jaryq kórgen kelesi maqala «Shuǵyla júrek» degen atpen berilipti. Maqala qazaqtyń belgili jazýshysy Ábish Kekilbaıuly týraly oı tolǵaıdy.

***

«Endi bir on jyldan keıin Qazaqstanda qazaq tili tolyq ústemdik qurýy qajet. Mınıstrler Kabınetiniń keshegi jıynynda Úkimet basshysy Kárim Másimov osyndaı málimdeme jasady. Árıne, muny estip, «báleden mashaıyq qashypty» degendeı, úkimettegiler til saıasatyna tikeleı qatysty kiltıpandardy sheshýdi kóp jylǵa keıin shegerip tastamaqshy bolyp jatqan joq pa?» degen kúdik týýy múmkin. Biraq Úkimet basshysy aldaǵy on jylǵa baǵdarlanǵan tilderdi damytý baǵdarlamasy qabyldanatynyn, álginde jarııa etilgen mindetteme sonyń túpki nátıjesi bolýǵa tıistigin nyqtady»,- dep jazdy «Aıqyn» basylymynyń búgingi sany. Bul týraly tolyǵyraq gazettegi «10 jyldan keıin ár azamat qazaqsha sóıleýge tıis» degen taqyryppen berilgen maqaladan oqı alasyzdar.

Atalǵan basylymnyń búgingi sanynda Tóregeldi Sharmanovtyń «Saıaq» atty maqalasy jaryq kóripti. Maqalada asaý taǵdyrdy aýyzdyqtaı bilip, shyǵarmashylyqtyń shyńyna shyqqan belgili jazýshy Ábdijámil Nurpeıisov týraly sóz bolady.

Túrkııanyń Ystambul qalasynda bokstan erler men áıelder arasynda ótken «Premer-mınıstr» halyqaralyq týrnıri aıaqtaldy. Baıraqty básekedegi sharshy alańnyń qyzyǵyn «Aıqyn» gazetiniń búgingi sanyndaǵy «Túrkııadan tabysty oraldy» degen atpen berilgen maqaladan oqyńyzdar.

***