Adamzat tarıhyndaǵy tozýǵa eń tózimdi materıal jasaldy

ASTANA. QazAqparat - Ulttyq Sandıı zerthanalarynyń ǵalymdary jańa qorytpany jasap shyǵardy. Bul adam qolynan shyqqan eń tozýǵa tózimdi materıal. Ǵalymdardyń jumysy Advanced Materials jýrnalynda jarııalandy, dep habarlaıdy RIA Novostı.

Ǵalymdar atalmysh qorytpany jasaý úshin Jer betindegi eń sırek kezdesetin metaldar - altyn men platınany biriktirgen. Zertteýshilerdiń aıtýynsha, jańa materıaldyń myqtylyǵy sonsha, odan jasalǵan avtokólik shınalary uzyndyǵy 40 075 shaqyrym jer ekvatoryn bes júz ret aınalyp shyǵa alady.

Zertteýshiler qorytpanyń erekshe qasıetterin dáleldeý úshin ony atomdyq deńgeıde zerttedi. Sondaı-aq, ǵalymdar jańa materıaldy synaqtan ótkizý kezinde onyń betki qabatynda qara qabyqsha paıda bolǵanyn aıtty. Ol -  almaz tektes kómirtek bolyp shyqqan. Zertteýshiler atalmysh materıaldyń bul qasıetin eń baǵaly dep sanaıdy.

Jańa materıaldy ártúrli elektrondyq qurylǵylar úshin paıdalanýǵa bolady. Qorytpany juqalap smartfondardyń jyljıtyn bólikterine jaǵatyn bolsa, uıaly telefon uzaǵyraq qyzmet kórsetýi múmkin. Materıaldyń mundaı qasıetteri ónerkásipke jylyna 100 mıllıon dollarǵa deıin únemdeýge múmkindik beredi.