Adamzat tarıhyndaǵy eń úzdik án anyqtaldy
NUR-SULTAN. QazAqparat - 24/7 Wall Street qarjy portaly tanymaldyǵy, kaverler sany, satylymdar kólemi, Billboard hıt-paradyna kirý sany jaǵynan álemdegi júz úzdik ánniń tizimin jarııalady, dep habarlaıdy QazAqparat portalǵa silteme jasap.
Úzdik kompozıtsııa ataǵy Brıtanııanyń The Beatles tobynyń Yesterday ánine buıyrdy. Án 1965 jyly shyqqan, resmı 665 kaveri bar, 11 jyl boıy hıt-paradtardan túspegen.
Ekinshi orynda - Simon & Garfunkel dýeti oryndaǵan Bridge Over Troubled Water kompozıtsııasy, úshinshi orynda - brıtan ánshisi Adel oryndaǵan Rolling In the Deep áni tur.
Úzdikter ondyǵyna The Beatles tobynyń Hey Jude, Let It Be ánderi, Djon Ledjendtiń All of Me, Ledı Gaganyń Bad Romance, The Queen-niń Bohemian Rhapsody, Bıll Ýızerstiń Ainʼt No Sunshine ánderi bar.
