Adamzat tarıhyndaǵy eń iri alaıaq týraly fılm jaryqqa shyqty
ASTANA. QazAqparat - 2009 jyly Bernard Meıdoff esimdi alaıaq sot sheshimimen 150 jylǵa sottalǵan eken. Ol salym qory degen jalǵan aqparatpen ashqan kompanııasy arqyly kóptegen adamdardyń aqshasyn jymqyrǵan, dep jazady Massaget.kz.
Qarjy salasyndaǵy eń iri alaıaqtyq týraly The Wizard of Lies ("Sýaıt sıqyrshy") fılmi túsirildi. Jaqynda ǵana treıleri shyqqan jańa týyndyda basty róldi keremet akterlik harızmasymen kópshiliktiń júreginen oryn alǵan Robert De Nıro somdaıdy.
Akterdyń kelbeti fılmdegi keıipkeri - Ýoll-strıt tarıhyndaǵy eń úlken qylmysker Meıdoffke qatty uqsaıdy.
Kınokartına túsirilimine De Nırodan basqa Mıshel Pfaıffer, Neıtan Darroý, Henk Azarııa, Krısten Konnollı syndy akterler de jumyldyrylǵan.
Fılm rejısseri - Barrı Levınson.
Mamandardyń aıtýynsha, Meıdoff negizin qalaǵan qarjy pıramıdasy - adamzat tarıhyndaǵy eń iri alaıaqtyq. Odan 3 mıllıonǵa jýyq adam jáne júzdegen iri qarjy uıymdary zardap shekken. Alaıaq jalpy sany $ 64,8 mıllıard qarjy jymqyrǵan.
