Adamzat tarıhynda fashıstik Germanııany jeńýden asqan uly Jeńis bolǵan emes - Q. Mámı
Qazaqstan Respýblıkasy Joǵarǵy Sotynyń Tóraǵasy Qaırat Mámı sot júıesiniń ardagerleri men qyzmetkerlerin kele jatqan merekelerimen quttyqtady,
Óziniń quttyqtaý sózinde Qaırat Mámı «1945 jyldyń 9 mamyryndaǵy Jeńis - Otanǵa degen qaltqysyz qurmettiń, qaharmandyq pen erliktiń nyshany. Adamzat tarıhynda fashıstik Germanııany jeńýden asqan uly Jeńis bolǵan emes. Uly Otan soǵysynyń alǵashqy kúnderinen bastap qazaqstandyq sarbazdar maıdan dalasynda batyrlyq pen ultjandylyqtyń naǵyz úlgisin kórsete bildi.
7 mamyr - táýelsiz Qazaqstannyń Qarýly Kúshteri qurylǵan kún. Memleket basshysynyń udaıy kóńil bólýiniń arqasynda bizdiń táýelsizdigimiz ben tynyshtyǵymyzdy qas qaqpaı kúzetip, halqymyzǵa qorǵan bola alatyn ulttyq armııamyz qalyptasty», - dep atap ótti.
QR Joǵarǵy Sotynyń Tóraǵasy sot júıesiniń ardageri, UOS tyl eńbekkeri Esmaǵanbetov Ramazan Esmaǵanbetulyna saltanatty túrde estelik syılyǵyn tapsyrdy.
Іs-sharada Ardagerler keńesiniń tóraǵasy Keńes Jeksenbekuly Jalmuhambetov, Joǵarǵy Sot sýdıalary men QR Sýdıalar odaǵynyń ókilderi quttyqtaý sóz sóıledi. Saltanatty jıyn merekelik kontsertpen aıaqtaldy, dep habarlaıdy QR Joǵarǵy Sotynyń baspasóz qyzmeti.
