Adamzat tabıǵatty qalaı ózgertti - VVS
NUR-SULTAN. QazAqparat - VVS basylymynyń jazýynsha, Loren Holt atty zertteýshi adamzattyń tabıǵatty qalaı ózgertkenin jáne bolashaqta qalaı ózgertetinin zerttep keledi.
«Pıtsbýrgte jaratylystaný ǵylymynyń tarıhy ortalyǵy bar. Onda jan janýarlar aǵzasynyń evolıýtsııasy men qorshaǵan orta ózgeristeri zertteledi. Sonymen qatar adamzat mádenıeti men bıotehnologııanyń evolıýtsııaǵa áseri jiti baqylanady», dep jazady avtor.
Adamzat ǵalamshardyń florasy men faýnasyna áser etenin aıta kele avtor, qazirgi damý jyldamdyǵy bolashaqta tabıǵatqa qalaı áser etýi múmkin degen suraqqa jaýap izdeıdi.
«Búgingi tańda adam áser etpegen tabıǵat bólshekteri joqtyń qasy. Adamzat paıda bolǵannan bastap landshaftty ózgertip keledi. Ózgerte beredi de. On myń jyl buryn adam alǵash ret genetıkalyq quramdy ózgertip, qajetti túr alýdy úırendi. Degenmen, adamnyń básekelestigi, qorshaǵan ortaǵa ker áseri faýnanyń kóptegen bólshegin joıyp jibergen», dep jazady avtor.
Onyń aıtýynsha, adamdar tabıǵatqa keri áserin boldyrmaýǵa tyrysýy múmkin. Tipti, jabaıy tabıǵatty qaıta qalpyna keltirýge tyrysyp kórýi de ǵajap emes.
«Bir anyǵy, genetıkalyq aqparatty berý formasy ózgeredi. Bıotehnologııa damyp jatqanymen, tabıǵı dáýirdiń ózdiginen damýyna áser etpeý múmkin emes. Barlyǵy klımattyń ózgerý problemasyna qarsy kúresti qalaı júrgizetinimizge baılanysty bolady. Degenmen, adamzat qazirgi tabıǵatqa kózqarasyn ózgertpese, Jerge qaýip tónedi», deıdi avtor.
