Adamzat bes jyldan keıin quryp ketýi múmkin
ASTANA. 17 qazan. QazAqparat - Ǵalymdar bes jyldan keıin adamzattyń quryp ketýiniń sebebine aınalatyn jańa vırýsti tapqany jaıly dabyl qaǵýda, dep habarlady «Ýchastıe.som» saıty.
Buryn ǵylymǵa belgisiz bolyp kelgen jańa vırýsqa «Armageddon» degen ataý berildi. Ol janýarlar men jándikterden adamǵa taraıdy jáne adamzatty qurtyp jiberý qaýpin týǵyzady. Vırýstiń alǵashqy qurbany London aýrýhanalarynyń birinde anyqtaldy. 38 jastaǵy er adam belgisiz aýrýdan kóz jumdy. Brıtandyq bul adam Aýǵanstanǵa barǵan kezinde indetti juqtyrýy múmkin, onda mundaı indet úı janýarlary men taǵy janýarlardyń arasynda keńinen taraǵan kórinedi. Ǵalymdar jańa vırýs qalyptan tys ókpe qabynýyna uqsas ekenin anyqtady, biraq ta quramy ózgeshe.
Mamandardyń pikirinshe, vırýs tumaýdyń jańa shtammy bolyp, búkil álemge taralmaq.
