Adamnyń jıi jáne tez sharshaýyna vırýs sebep bolýy múmkin - ǵalymdar
ASTANA. Jeltoqsannyń 3-i. QazAqparat - Adamnyń jıi jáne tez sharshaýyna vırýs sebep bolýy múmkin. AQSh-tyń Nevada shtatyndaǵy Ýaıtmor-Peterson ınstıtýtynyń ǵalymdary zertteýler barysynda osyndaı qorytyndyǵa kelip otyr,
dep habarlaıdy ITAR-TASS agenttigi.
Ǵalymdar, únemi sharshap, sirkesi sý kótermeı júretin adamdardyń qanynda Eks-em-ar-vı /XMRV/ dep atalatyn vırýstyń bar ekenin anyqtaǵan. Bul vırýs negizinen janýarlarda bolady, biraq ol adam aǵzasynda da tirshilik etýge qabiletti.
Anyqtalǵandaı, qatty jáne únemi sharshap júretinderin aıtyp shaǵymdanǵan adamdardyń 67 paıyzynyń qanynda osy vırýs bolyp shyqty. Sondaı-aq, XMRV vırýsynyń adamnyń ımmýndyq júıesin álsiretip, sharshatatyny anyqtalǵan.
Amerıkan ǵalymdarynyń osy jańalyqtarynyń arqasynda, sharshaýdy aýrý dep sanap, ony emdeýge jaǵdaı jasalynyp otyr, dep sanaıdy mamandar.
