Adamnyń jasyn neıron júıesi arqyly anyqtaýǵa bolady – zertteý
NUR-SULTAN. QazAqparat – Adamnyń bet-beınesine qarap, onyń jasyn, jynysyn naqty anyqtaýǵa bolady. Ǵalymdardyń jańa zertteýi týraly techxplore.com jarııalandy.
Sońǵy jyldary ǵalymdar mashınalyq oqytý negizderi boıynsha kóptegen qosymshalardy oılap tapty. Onyń ishindegi jańalyq - neıron júıesi arqyly adamnyń jasyn naqty anyqtaý.
Ońtústik Afrıkadaǵy Kvazýlý-Natal ýnıversıtetiniń ǵalymdary adamdardyń bet-beınesi arqyly mashınalyq oqytý negizinde onyń jasyn naqty anyqtaý tehnologııasyn oılap tapty. Bul zertteý Spinger jýrnalynda jaryq kórdi.
Dástúrli tásilderdiń kóbi arnaıy baqylaý sharttarymen, zerthanalarda nemese fotostýdııalarda túsken sýretter arqyly ǵana adamnyń jasyn anyqtaıdy. Al kúndelikti kez kelgen jaǵdaıda nemese kezdeısoq túsken sýretten naqty jas mólsherin anyqtaý qıyn.
«Tereńinen oqytý tásilderi bul máseleni sheshýde nátıje kórsetti. Sondyqtan biz adamnyń naqty jasyn anyqtaý úshin óz tásilderimizdi usynamyz» deıdi zertteýshiler.
Kvazýlý-Natal ýnıversıtetiniń ǵalymdary alty qabatty arhıtektýra negizinde «tereń, naqty neırondy júıe» oılap tapty. Olardyń modeli kezdeısoq túsken kez kelgen sýretten adamnyń jasyn naqty kórsetedi.
Ýıkıpedııadan IMDB-WIKI alynǵan jarty mıllıonǵa jýyq sýretterdi synaqtan ótkizgen uıymdastyrýshylar modeldiń naqtylyǵyna kóz jetkizdi.
MORPH-II bazasyndaǵy 70 000 adamnyń sýreti men OUI-Adience bazasyndaǵy 26 580 sýret osy modelge ornalastyryldy.
