Adamnyń jańa túri tabyldy
ASTANA. 22 qarasha. QazAqparat - Ǵalymdar neandertal men denısov genomdaryn zertteı kele, olardyń qazirgi adam túrine DNQ quramyn tasymaldaǵanyn anyqtaǵan.
Bıologter joıylyp ketken adam túri bolyp sanalatyn denısov adamdarynyń qazirgi tańǵa deıin belgisiz bolyp kelgen adam túrimen býdandasqanyn jáne dál osylaı berilgen DNQ qazirgi adamnyń da quramynda bar degen sheshimge kelip otyr. Bul aqparat Londondaǵy Koroldyq uıymnyń kezdesýinde jasalǵan baıandamadan belgili boldy.
Bıologter neandertal men denısov adamdarynyń DNQ quramyn tuńǵysh ret 2010 jáne 2012 jyldar aralyǵynda zerttegen. Garvard medıtsına mektebiniń Devıd Reıh bastaǵan ujymy men Maks Plank atyndaǵy evolıýtsııalyq antropologııa ınstıtýtynyń bir top mamandary naqty nátıje jasaǵanyn málimdedi. Ǵalymdar adamnyń damý joly barysynda neandertaldyqtar men denısov adamdarynyń arasynda taǵy da bir adam túriniń bolǵanyna senimdi, dep jazady «Alash aınasy» basylymy.
Konferentsııa barysynda antropologter jańadan tabylǵan adamnyń qandaı bolǵanyn bilmese de, onyń 30 myń jyl buryn qazirgi Azııa aýmaǵynda mekendegenin aıtyp otyr. Al paleontologter bul túrdi afrıkalyq Homo heidelbergensis urpaǵy bolýy múmkin degen boljam jasap otyr.
