Adamnyń jańa násili paıda boldy ma? (VIDEO)
ASTANA. QazAqparat - Qytaıdyń Dahýa qalasynda, bálkim, adamzattaǵy birde-bir jan balasyna uqsamaıtyn tuńǵysh násildiń ókili ómir súrip jatyr, dep habarlady www.muslim.kz.
Nong ıÝsýı esimdi balanyń azııalyq násildi bolǵanyna qaramastan kóziniń kókshildigi, tipti, eń kózi kók dep sanalatyn skandınavtyqtardyń ózinde kezdespeıtinin aıta ketý kerek. Onyń janary mysyqtykindeı jaltyldap turady. Bul onyń jalǵyz erekshiligi emes ekenin de aıta ketken lázim. Ol tas qarańǵydan jaqsy kóre alady. Bul qupııany aldymen ata-anasy, sosyn muǵalimi bóilsti. Ǵalamtor arqyly. Beıjińdik tilshi senbestik tanytyp, dárigerlerdiń kómegine júgingen.
Mamandardy qaıran qaldyrǵany: ony tas qarańǵy bólmede qaldyryp, tájirıbe jasaǵan. Ol qarańǵy jerde de áripti ajyratyp, oqı alatyn bolyp shyqty. Kóz jetkizgendeı, onyń janary qarańǵyda kórýge múmkindik beretin erekshe jasýsha qabatyna ıe bolyp shyqqan. Mundaı jasýshalar mysyqta, ıtte, janatta, órmekshide, t.b. tirshilik ıelerinde kezdesedi. Ol dúnıege kelgende anasynyń nazaryn eń aldymen sharananyń kózi ózine aýdartqan.
Dárigerler de ýaqyt kele bul erekshelik ózinen-ózi ketip qalady dep sendirgen eken. Dese de, dárigerlerdiń aıtqany kelmedi.
Aıta keteıik, ıÝsýı kúnniń jaryq sáýlesin jaqtyra bermeıdi, alakóleńke jerdi unatady. Jerlesteri ony osy qasıetine oraı «juldyzdy bala», «ózge planetadan kelgen bala», «gıbrıd» dep atap ketken.
