Adamnyń tabysty bolýy genine de baılanysty - ǵalymdar

ASTANA. QazAqparat - «Tabysty bolý úshin erte turý kerek. Erte turý jumys ónimdiligin arttyrady. Barlyq tabysty adamdar tańerteń erte turatyn bolǵan. Erte tursańyz, denińiz saý bolady. Siz ómirińizdi baqylaýǵa alasyz». Qazir mundaı urandardy jıi estımiz. VVS basylymy erte turýdyń tabysty bolýǵa áseri bar ma degen suraqqa jaýap izdep kóripti.

«Tańerteń erte oıaný - sıqyrly taıaqsha emes. Erte turý únemi ýaqyt jetispeýshiliginen aryltyp, ýaqytty basqarýǵa kómektese alady degen qate pikir. Apple kompanııasynyń basshysy Tım Kýk tańerteń erte turyp, poshta tekseredi. Opra Ýınfrı medıtatsııa jasap, sportpen aınalysady. Túrli zertteýler de tańerteń erte turý men tabysty bolýdyń arasynda baılanys baryn anyqtady. Degenmen, tabysty bolý erte turǵannan emes, gennen de bolýy múmkin», dep jazady basylym.

Avtordyń aıtýynsha, Nature Communications jýrnalynda jarııalanǵan zertteý nátıjesinde ǵalymdar 700 myń adamdy baqylap, tabysty bolýǵa áser etetin 350 genetıkalyq faktor bar ekenin anyqtaǵan.