Adamnyń sporttyq qabiletine genetıkanyń áseri bar ma - VVS Earth
ASTANA. QazAqparat - Adamnyń belgili bir qabiletteri men erekshelikterine genetıkanyń áser etetini, onyń genmen beriletini belgili. VVS Earth basylymynda jarııalanǵan maqalada sporttyq qabiletterge genetıkanyń áseri týraly sóz bolyp, avtor álemdegi eń myqty sportshylardyń qupııasyn anyqtaýǵa tyrysypty.
«Ýseın Bolt óte jyldam júgiredi. Al Maıkl Felpstiń ustazy myqty ma, álde onyń júzýdegi erekshe qabileti men qushtarlyǵy genmen berildi me? Genetıkalyq testiler adamnyń sporttyq ónimdiligin anyqtap bere ala ma?», dep jazady avtor.
Maqala avtory kez kelgen jaǵdaıda tájirıbeniń kóp ról atqaratynyn aıta kele, sport túrin tańdaý úshin áser etetin odan basqa da kóptegen faktorlar bolatynyn alǵa tartady. Tipti, adam týǵanynan-aq sol sportqa beıim bolýy da múmkin emes pe? Degenmen, sporttyq qabiletterdiń genetıkalyq aqparatta saqtalý múmkindigi jaı ıdeıa retinde de ǵylym úshin qyzyq bolyp otyr.
«Ár adamda oǵan ártúrli áser etetin DNQ qurylymy bolady. Degenmen, DNQ adamǵa áser etpeı qoımaıdy. ıAǵnı, genetıkanyń beıimdiligin anyqtaý arqyly adamnyń fızıkalyq qabiletterin de bilýge bolady. Biraq gendi tekserý qymbat turatyndyqtan, oǵan ekiniń biriniń qoly jete bermeıdi», delingen maqalada.
Budan bólek, avtor adam denesiniń úsh tıpi bar ekenin jáne onyń árqaısysy fızıkalyq daıyndyq pen dıetalardy ártúrli qabyldaıtynyn aıtady. ıAǵnı, avtordyń sózine qaraǵanda, tabysty sportshyǵa aınalý úshin daıyndyqty osy tıpterge sáıkestendirip júrgizý kerek.
«Myqty sportshy bolý úshin DNQ týraly bilý azdyq etedi. Degenmen, kóp jaǵdaıda ár sport túrindegi tájirıbe deńgeıi men tehnıka arqyly siz ózińizdiń genetıkańyzǵa saı keletin jattyǵýlardy anyqtaı alasyz», dep túıindeıdi avtor.
