Adamnyń ómirin qutqaratyn sanaýly sekýndtar - Shymkenttegi aktsııa
ShYMKENT. QazAqparat - Shymkentte «Jedel járdem kóligine jol ber» atty shara ótti. OQO densaýlyq saqtaý basqarmasynyń uıymdastyrýymen ótken aktsııada qala kóshelerine sary túske boıalǵan jedel járdem kólikteri kóshege shyqty, dep habarlaıdy QazAqparat tilshisi.
Basqarmanyń málimetinshe, qala boıynsha tirkeýde turǵan 95 jedel járdem kóliginiń 20-sy sary túske boıalǵan. Bul respýblıka boıynsha eń úlken kórsetkish bolyp otyr. Al, atalǵan aktsııany uıymdastyrýǵa kólik júrgizýshileriniń jol boıynsha jedel járdem qyzmetkerlerine jol bermeı jatýy sebep bolypty. Sondyqtan aq halattylar júrgizýshilerge oı salyp, shuǵyl kómekke zárý naýqastardy aýrýhanaǵa jetkizýdi túsindirýdi maqsat tutty. Árbir naýqasty aman alyp qalýda sanaýly sekýndtardyń mańyzdylyǵyn uǵyndyrý boldy.
Shara barysynda sary túke boıalǵan kólikter basqalarynan erekshelenip, kózge tez túsetini baıqaldy. Onyń ústine jańa kólikterdiń dabyl úni de ulǵaıtylǵandyqtan, basqa júrgizýshiler tezirek jol berip jatty.
