Adamnyń mıy gazdalǵan sýsyndardyń áserinen ózgeredi
ASTANA. 17 qarasha. QazAqparat - Tátti gazdalǵan sýsyndardy jıi jáne uzaq ýaqyt boıy qoldaný mıdy aıtarlyqtaı ózgeriske ushyratýy múmkin, dep jazady The Daily Mail. Zertteýler kórsetkendeı, sýsyndar mıdaǵy júzdegen aqýyzdardy ózgertken. Osyǵan uqsas ózgerister qaterli isikten bastap Altsgeımer aýrýyna deıin túrli aýrýlarda baıqalady.
Sarapshy Djeın Franklın bylaı dep túsindiredi: «Batysta gazdalǵan sýsyndardy tutyný qaýpi joǵary. Keıbir eresek adamdarda kalorııa úlesi tátti sýsyndardan kelip túsedi. Eger sýsap tusańyz, durysy, sý ishińiz».
Júrek ustamaly aýrýy, dıabet, salmaq qosý, súıekterdiń álsizdigi, asqazan qaterli isigi, bulshyqettiń álsizdigi, sal aýrýy - osynyń bári gazdalǵan sýsyndy kóp paıdalanýdyń zardabynan. Endi olarǵa mı ózgerisi de qosyldy.
Sıdneı ýnıversıtetiniń zertteýshisi Franklın bir aı boıy tátti sýsyn men jaı sý ishken egeýquıryqtardy baqylady. Qorytyndysynda, kemirgishterdiń birinshi tobynyń belsendiligi artyp, mılaryndaǵy shamamen 300 aqýyz mólsheri ózgergen.
