Adamnyń fotobeınesine qarap dıagnoz qoıýǵa múmkindik beretin baǵdarlama shyqty
ASTANA. QazAqparat - Adamdardyń 6 paıyzǵa jýyǵynda kezdesetin sırek genetıkalyq aýytqýshylyqtardy anyqtaý ońaı emes. Sol sebepti medıtsına qyzmetkerleri fotobeınesine qarap shamalap dıagnoz qoıýǵa múmkindik beretin baǵdarlama oılap tapty, dep habarlady New Scientist.
Munda adamnyń bet-álpetinen kórinis tabatyn túrli aýrýlarǵa tán belgilerdiń málimetter bazasy jınaqtalǵan. Dárigerler sırek kezdesetin aýrýlardyń 30-40 paıyzyna oǵan tán syrtqy aýytqýshylyqtarǵa súıenip, dıagnoz qoıyp jatady. Biraq barlyq dárigerler muny anyqtaı almaıdy. Jańa baǵdarlamany Oksford ýnıversıtetinen Krısoffer Nellaker men Endrıý Zısserman oılap tapty. Olar baǵdarlamaǵa Daýn sındromyn, álsiz H-hromosoma sındromyn qosa alǵanda, 8 genetıkalyq aýrýlarmen syrqattanatyn 1363 adamnyń fotosýretin júktedi. Baǵdarlama adamnyń bet álpetindegi 36 belgi (kóz, qabaq, erin, muryn pishini) boıynsha aýrýdy tanydy. Naqty anyqtaý úshin mamandar dıagnoz qoıylǵan adamdardyń sýretine baǵdarlamany testileýden ótkizdi. Onyń naqtylyǵy 93 paıyzǵa jetti. Búginde baǵdarlama 90 túrli aýrýdy anyqtaı alady. Baǵdarlama keleshkte DNK-ǵa taldam jasaı alatyn qosymshalarmen tolyqtyrylady. Bul aýrý dıagnozyn naqty ári jyldam qoıýǵa múmkindik bermek.
