Adamnyń emotsııasyn anyqtaıtyn kózáınek paıda boldy
ASTANA. QazAqparat - Amerıkalyq Emotient kompanııasy Google Glass kózáınekteri úshin ıesiniń aınalasyndaǵy adamdardyń bet-álpetinen olardyń emotsııalaryn anyqtaıtyn Sentiment Analysis qosymshasyn shyǵardy, dep habarlaıdy Day.Az.
Qosymshanyń jumysynda kózáınekke ornatylǵan kamera qoldanylady. Atalmysh baǵdarlama túsirilimderdi óńdep, onda adamdardyń betindegi bulshyqetterdiń qalpyna saraptama jasap, sonyń negizinde qorytyndy shyǵarady. Qosymsha jalpy kóńil-kúıdi anyqtaı alady. Olar «negizgi» jáne «kúrdeli» emotsııalardan turady. Negizgi emotsııalarǵa osy qosymshany jasaýshylar qýanysh pen qorqynysh sezimin, al kúrdelilerge túńilý men abyrjýdy jatqyzǵan.
Emotsııalardy anyqtaýdan basqa, Sentiment Analysis adamnyń jynysyn aıyra alady. Bolashaqta baǵdarlamany adamnyń jasy men etnıkalyq tobyn anyqtaýǵa baǵyttamaq.
«Qazirgi ýaqytta baǵdarlama jabyq beta-testileýden ótip jatyr. Ony tek Emotient seriktesteri ǵana synaı alady. Jalpy, Google Glass kózáınekteri 2013 jyly shyqqan. Bul qurylǵy ázirge erkin satylymda joq. Glass júrip kele jatyp foto jáne vıdeoǵa túsirýge múmkindik beredi, sonymen birge, ekranda oń jaq kózge qarama-qarsy aqparatty kórsetedi» delingen habarlamada.
