Adamnyń aǵzasyn qandaı jaǵdaıda el aýmaǵynan shyǵarýǵa bolady
«Kodekstiń jobasyn talqylaý barysynda Parlament Májilisiniń jumysy aıasynda jurtshylyqtyń pikirin eskere otyryp, keı daýly normalar pysyqtaldy. Olar boıynsha konsensýs tabyldy. Kodeks jobasynda Qazaqstan aýmaǵynan adamnyń aǵzasy men tinderi tek qana QR azamattaryna medıtsınalyq kómek kórsetý úshin shyǵarylatyn boldy», - dedi «Halyq densaýlyǵy jáne densaýlyq saqtaý júıesi týraly» kodeks pen «Keıbir zańnamalyq aktilerge densaýlyq saqtaý máseleleri boıynsha túzetý engizý jóninde» ilespe zań jobasyn tanystyrǵan mınıstr.
Onyń atap ótýinshe, qaıtys bolǵan adamnyń organdaryn alýǵa kelisim prezýmptsııasyna qatysty norma Qazaqstan Respýblıkasynda 2009 jyldan bastap qoldanysta.
«Erikti túrde kelisim berýdi tirkeý nemese kelisimdi keri qaıtaryp alý medıtsınalyq uıymdar kórsetetin memlekettik qyzmet bolyp sanalady. Kodeks jobasynda adamnyń tiri kezinde aǵzasyn alý boıynsha erik bildirmegen jaǵdaıda kelisimdi bermeýge jubaıynyń, al ol bolmaǵan jaǵdaıda jaqyn týystarynyń biriniń quqyǵy bar ekeni kózdelgen», - dedi Eljan Birtanov.