Adamnyń jeke basyna tıispeý, «Mıranda erejesi» bekitildi – Konstıtýtsııalyq komıssııa

ASTANA. KAZINFORM – Adamnyń jeke basyna tıispeý, «Mıranda erejesi» bekitildi. Bul týraly búgin Konstıtýtsııalyq reformalar jónindegi komıssııanyń kezekti otyrysynda Konstıtýtsııalyq sot tóraǵasynyń orynbasary Baqyt Nurmuhanov málim etti.

– Ozyq konstıtýtsııalyq tájirıbege súıene otyryp, jeke tulǵa mindetteriniń ózegin naqtylaıdy. Ómir súrý quqyǵynyń absolıýttiligi, adamǵa baǵdarlaný, onyń jeke basyna tıispeý, «Mıranda erejesi» bekitildi. Tsıfrlyq dáýirde derbes derekterdi qorǵaý, tulǵanyń ar-namysy men qadir qasıetin qurmetteý, áleýmettik quqyqtar kúsheıtildi. Quqyqtyq aıqyndyq qaǵıdaty zańnama júıesine arqaý bolyp qala bermek, - dedi Baqyt Nurmuhanov.

Onyń aıtýynsha, qazirgi ýaqytta Konstıtýtsııanyń 7-bólimindegi sot tóreliginiń qaǵıdaty retinde qarastyrylǵan keıbir erejeler osy bólimge adam quqyqtaryn qorǵaý kepildigi retinde aýystyrylyp, derbes bapta biriktirilgenin aıtty.

Budan buryn habarlanǵandaı, búgin Konstıtýtsııalyq reformalar jónindegi komıssııanyń (Konstıtýtsııalyq komıssııa) tórtinshi otyrysy ótti. 

Kazinform agenttiginiń saıtynda ádettegideı otyrystan tikeleı efır uıymdastyryldy.