Adamnyń jasóspirim kezeńi 32 jasqa deıin jalǵasady — ǵalymdar

ASTANA. KAZINFORM — Kembrıdj ýnıversıteti ǵalymdarynyń zertteýi boıynsha adamnyń jasóspirim kezeńi 32 jasqa deıin jalǵasady, dep habarlaıdy Daily Mail.

Zertteýshiler adamnyń mıynyń qyzmeti 5 negizgi kezeńnen ótetinin anyqtady: balalyq, jasóspirimdik, eresek, erte qartaıý jáne kesh qartaıý.

Sarapshylar týǵannan 90 jasqa deıingi 4000-ǵa jýyq adamnyń mıyna taldaý jasaý úshin dıffýzııalyq MRT skanerin qoldandy. Nátıjesinde adamnyń mıy ómir boıy 5 mańyzdy evolıýtsııalyq ózgeristerge ushyraıtynyn anyqtady. Ómirdiń alǵashqy 9 jylynda mı qarqyndy damyp, «balalyq» kezeńde bolatynyn anyqtady. Onyń ishinde «jeli konsolıdatsııasy», munda artyq sınapster (qozǵysh jasýshalar arasyndaǵy fýnktsıonaldyq baılanystar) joıylyp, tek eń belsendileri qalady. 

Shamamen toǵyz jasta kognıtıvti qabiletter damýynda ózgeris bolady. 9 ben 32 jas aralyǵyndaǵy mı «jasóspirimdik» kezeńge ótip, onyń arhıtektýrasy kúrdelene bastaıdy. 

Mıdyń «eresek ómiri» 32-den 66 jasqa deıin sozylady. Bul kezeńde mıdyń qurylymy turaqtanady jáne ol óziniń tıimdiligin arttyrýdy toqtatady. 

66 jastan bastap mı «erte qartaıý» fazasyna enedi, ol mıdyń aq zatynyń birtindep nasharlaýymen sıpattalady. Al 83 jastan keıin mıdyń «kesh qartaıýy» paıda bolady. Bul jasta onyń jumysynyń aıtarlyqtaı baıaýlaýy baıqalady.

Eske salaıyq, qytaı ǵalymdary adam mıynyń jasýshalaryn tyshqandarǵa transplantatsııalaý arqyly dofamın deńgeıin arttyrýdyń jolyn tapqan bolatyn.