Adammen sóıleskende áńgime taqyrybyna oraı bet álpetin ózgertetin robot jasaldy
ASTANA. QazAqparat - Hanson Robotics kompanııasy SXSW sharasy barysynda Sofııa esimdi robotty tanystyrdy. Jýrnalıster ony «tesip jibererdeı kóz qarasynan» seskengen jýrnalıster bir kúnderi bul «adamzatty joıyp jiberedi» dep baǵa berdi. Sofııanyń bet pishimi sóılegen kezde adamdardikindeı qubylady. Qarsysyndaǵynyń kózine týra qaraıdy, basyn ızeıdi, adamǵa tán basqa da qımyldar jasaıdy.
Sofııanyń bet álpeti men moıyny terige uqsas materıaldan jasalǵan. Character Engine AI baǵdarlamalyq qamtamasyz etý kómegimen aıtylǵan taqyrypty túsinip, áńgime-dúken qura alady. Kózinde janyndaǵy adamdy tanýǵa arnalǵan kamera ornatylǵan. Kompanııada robottar keleshekte taqyryptyq oıyn-saýyq saıabaqtarynyń bóligine aınalyp, túrli psıhıkalyq, emotsııalyq aýytqýshylyqtary bar balalarǵa kómek kórsetedi dep sanaıdy.
«Robotty medıtsınalyq qajettilik, terapııa, bilim berý, qyzmet kórsetý maqsatynda ázirleımiz», dedi Hanson Robotics kompanııasy qurýshy Devıd Hanson.
