Adamı ólshem salasyndaǵy EQYU-nyń mańyzdy qujattarynyń jınaǵy jaryq kórdi
ASTANA. 23 qarasha. QazAqparat /Qanat Mámetqazyuly/ - Astanadaǵy EQYU Ortalyǵy QR Syrtqy ister mınıstrligimen birlesip, adamı ólshem salasyndaǵy asa mańyzdy sanalatyn EQYU qujattarynyń jınaǵyn shyǵardy. Bul týraly búgin QR Syrtqy ister mınıstrliginde ótken brıfıng barysynda vedomstvonyń baspasóz hatshysy Іlııas Omarov málim etti.
Baspasóz hatshysynyń aıtýynsha, qazaq jáne orys tilderinde jaryq kórgen jınaqta EQYU adamı ólshemi jónindegi konferentsııanyń Kopengagen keńesiniń qujaty, EQYU-ǵa qatysýshy memleketterdiń adamı ólshem salasyndaǵy mindettemelerdi oryndaýdy baqylaý jónindegi Máskeý jáne Vena tetikteri qamtylǵan.
Aıta keteıik, Kopengagen qujaty 1990 jylǵy 29 maýsymda Adamı ólshem jónindegi kopengagendik konferentsııada qabyldandy. Ol barlyq EQYU óńiri úshin negizgi kodekske, EQYU keńistiginde adamnyń negizgi quqyqtary men bostandyqtaryn saqtaý salasyndaǵy erejeler jınaǵyna aınalǵan. «Aǵymdaǵy jylǵy 10-11 maýsymda Kopengagen qalasynda Qazaqstan EQYU Іs basyndaǵy tóraǵasy retinde «EQYU-nyń Kopengagendik qujatynyń 20 jyldyǵy: mártebesi men keleshegi» taqyrybynda mereıtoılyq kopengagendik konferentsııasyn ótkizdi. Sharaǵa EQYU Іs basyndaǵy tóraǵasy, Memlekettik hatshy-SІM Qanat Saýdabaev qatysqan bolatyn. Onda adamnyń, az ulttardyń negizgi quqyqtary men bostandyqtaryn saqtaý, zań ústemdigi, saılaý jónindegi mindettemelerdi oryndaý máseleleri qamtyldy», dedi І. Omarov.
Onyń aıtýynsha, atalǵan konferentsııany ótkizý EQYU-ǵa qatysýshy memleketterdiń Kopengagen qujatynda mazmundalǵan mindettemelerdi oryndaý salasynda qorytyndy jasaý turǵysynan mańyzdy bolyp tabylady. «Konferentsııa adamı ólshemdegi qazirgi kezdegi ǵalamdyq syndarǵa jaýap qaıtarýdyń jańa joldaryn talqylaýǵa arnalǵan dıalogtyq alańǵa aınalyp otyr», - dedi І. Omarov.
