Adamı kapıtaldyń ósýi uzaqmerzimdik damýdyń basymdyǵy bolyp tabylady - Elbasy Joldaýy
ASTANA. 30 qańtar. QazAqparat - Elbasy Joldaýynda atap kórsetilgen basymdyqty baǵyttardyń biri Qazaqstandaǵy adamı kapıtalynyń sapalyq ósýi bolyp tabylady, dep habarlaıdy pm.kz saıty.
Prezıdenttiń Qazaqstan halqyna Joldaýynda, bilim berý elimizdiń uzaqmerzimdik damýynyń basymdyqty baǵyttarynyń biri retinde anyqtalyp otyr.
Nazarbaev Ýnıversıteti men Zııatkerlik mektepterdiń tájirıbeleri boıynsha bilim berý baǵdarlamalarynyń mazmuny jańartylady. Kásiptik-tehnıkalyq bilim berýdiń ozyq mekemeleriniń jelisi damyp keledi.Bazalyq pedagogıkalyq bilim berýdiń jaǵa baǵdarlamalary engiziledi, kolledjder men JOO túlekteriniń biliktilikterin bekitý júıesi jasaqtalady.
«Bilim berý júıesi jastarǵa tek bilim berip qoımaı, olarǵa alǵan bilimderin áleýmettik beıimdelý úderisinde paıdalana bilýdi úıretýi kerek. Úkimetke mektep oqýshylarynyń fýnktsııalyq saýattylyǵyn damytý jóninen besjyldyq Ulttyq is-qımyldar josparyn qabyldaýdy tapsyramyn», dedi Elbasy óz sózinde.
Qazaqstan halqyna Joldaýynda Elbasy sondaı-aq densaýlyq saqtaý júıesin jańǵyrtý jónindegi mindet qoıdy.
«Elde ozyq emdeý-dıagnostıkalyq keshender, medıtsınanyń negizgi baǵyttary, onyń ishinde eń jańa baǵyttar boıynsha ondaǵan ortalyqtar quryldy, kóliktik medıtsına damytylýda. Bizde medıtsınalyq poıyzdar, avtokólik, medıtsınalyq avıatsııa paıdalanylady.
Astanadaǵy Bolashaq gospıtali qazaqstandyq densaýlyq saqtaýdy jańǵyrtýdyń lokomotıvine aınalmaq. Endigi jerde onkologııadan bolatyn aýrý men ólim-jitimdi tómendetý máselesi birinshi kezekke shyqpaq»,- dep málim etti Nursultan Nazarbaev.
Osyǵan oraı, Úkimetke Onkologııalyq járdemdi damytý baǵdarlamasyn ázirleý jáne Ulttyq medıtsınalyq holdıng arqaýynda Astanada qýatty Ulttyq ǵylymı onkologııalyq ortalyq qurý máse-lesin qarastyrý týraly tapsyrma berildi.
Esterińizge sala keteıik, 27 qańtarda Elbasy Nursultan Nazarbaev elimizdiń 2012 jylǵy damý basymdyqtary anyqtalǵan «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna Joldaýyn jasady.
