Adamgershiligi bar robot qurastyryldy
ASTANA. QazAqparat - «Honda» kompanııasy shyǵarǵan «Asimo» robotynyń sońǵy modeli óziniń adamgershiligimen kórermenderdi tánti etti.
Jaqynda tanystyrylǵan bul mashına óziniń múmkindikteri jaǵynan adamǵa barynsha uqsatyp jasalǵan jáne óziniń básekelesteriniń aldyna shyǵyp otyr.
Robot eptiligimen tańdandyrady, onyń júgirý, bıleý, satyny paıdalaný sekildi is-qımyldary jetildirilgen. Sondaı-aq budan da basqa kúrdeli tapsyrmalardy oryndaýǵa qaýqarly. Máselen, barmen nemese daıashy qyzmetin emin-erkin atqara alady.
Buǵan qosa, robot adam tilin túsinýmen qatar, qarapaıym tilde áńgimelesýge qabiletti kórinedi.
«Asimo» mashınasyn qurastyrý 14 jyl boıy júrgizilip keledi jáne alǵashqy modeldermen salystyrǵanda, mamandardyń jumysynda edáýir ilgerileýshilik bar.
Injenerlerdiń paıymynsha, osy tektes robottar úı ishindegi kóptegen jumystardy atqaryp, qarttar úshin taptyrmaıtyn kómekshi bolar edi, dep jazady Rosbalt.
