Adamǵa uqsaıtyn robottar Beıjiń oıyndarynda jańa rekord ornatty
ASTANA.KAZINFORM - Adamǵa uqsaıtyn robottar 22-26 tamyz aralyǵynda Qytaı astanasynda ótip jatqan Ekinshi Dúnıejúzilik oıyndarda jańa rekord ornatty, dep habarlaıdy CGTN.
Qytaılyq antropomorfty «Tıangýn Ýltra» roboty 100 metrge júgirýdi 9,39 sekýndta aıaqtap, ıamaıkalyq sprınter Ýseın Bolttyń 9,58 sekýndtyq álemdik rekordynan asyp tústi.
400 metrlik fınalda «Tıangýn» komandasy 38,15 sekýnd ýaqytpen altyn medal jeńip aldy. Bul jarystaǵy úsh júldeger de adamdar arasyndaǵy rekordty jańartty.
Uzyndyqqa sekirýde «Tıantszıao» komandasy 7,97 metr nátıjemen jeńiske jetti, bul qazirgi ýaqytta adamzat rekordynan (8,95 metr) artta qalyp otyr. Jarys baǵdarlamasyna ústel tennısi men ýshý sııaqty joǵary dáldik pen jedel reaktsııany qajet etetin sport túrleri de kiredi.
Bıylǵy maýsymda jarysqa 16 elden 666 komanda qatysyp jatyr. Barlyǵy eki myńnan astam robot 51 jarys túrinen baq synaıdy.
Buǵan deıin Beıjińde gýmanoıdty robot jartylaı marafonda adamnan jyldam júgirip ótti.
