Adamdy masqaralaıtyn jeke aqparatty talap etetinder 3 jylǵa sottalýy múmkin
ASTANA. QazAqparat – Qaýip tóndirip, jábirlenýshini jáne onyń jaqyndaryn masqaralaıtyn málimetterdi talap etetinder endi 3 jylǵa deıin sottalýy múmkin. Bul týraly Ádilet mınıstrligi ashyq talqyǵa shyǵarǵan zań jobasynda kórsetilgen, dep habarlaıdy QazAqparat tilshisi.
Atap aıtqanda, QR Qylmystyq kodeksiniń 209-babyna (Aqparatty berýge májbúrleý) ózgeris engizip, jazany qatańdatý usynylyp otyr.
«Kúsh qoldaný ne múlikti joıý nemese búldirý qaterin tóndirip, jábirlenýshini nemese onyń jaqyndaryn masqaralaıtyn málimetterdi ne elektrondy tasyǵyshta qamtylǵan, zańmen qorǵalatyn aqparatty berýge májbúrleý – belgili bir qyzmetpen aınalysý quqyǵynan 3 jylǵa deıingi merzimge aıyra otyryp nemese 3 000 aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne 800 saǵatqa deıingi merzimge qoǵamdyq jumystarǵa tartýǵa ne 3 jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady», - delingen qujatta.
Qoldanystaǵy zańnamaǵa sáıkes, osyndaı qylmys úshin kináli 2 jylǵa deıin sottalady nemese 2 000 AEK-ke deıin aıyppul tóleıdi.
Al jańa redaktsııa boıynsha bas bostandyǵynan aıyrý merzimi 3 jylǵa deıin uzaryp, aıyppul kólemi 3 000 AEK-ke deıin ulǵaıady.
