Adamdy eriksiz jylatatyn pııaz-bloknot oılap tabyldy - VIDEO
ASTANA. QazAqparat - Kúntizbe, bloknot shyǵaratyn "Magnýs Ferreýs" kompanııasy jaqynda adamdy eriksiz jylatatyn pııaz-kúndelik oılap tapty, dep habarlady Day.Az.
Kúndelikte pııazdyń kózden jas aǵyzatyn quramy ǵana alynyp, múńkigen ıisi dápterge sińdirilmegeni - qýanyshty jaǵdaı, dep jazady sheteldik BAQ. Naqtyraq aıtqanda, kúndelikti daıyndaýshylar qaǵaz quramyna adamnyń kózinen jas aǵyzatyn pııazdaǵy etılpropıl maıyn qosqan. Kúndelikti ashyp, qalammen ysqylaǵanda pııazdy pyshaqpen týraǵandaǵy jaǵdaı sekildi adam kózinen eriksiz jas tama bastaıdy.
«Kúndelikke áserli oılaryn jazǵanda adam emotsııasyn bildire almaıdy, biz osyny eskerip, azdap drama qosqandy jón kórdik», deıdi kompanııa basshylyǵy.
Bul bloknottar aldymen Japonııada satylmaq.
