Adamdarǵa jaqyn mekendep júrgen ilbis ınspektorlar qadaǵalaýynda - ulttyq park

ALMATY. QazAqparat - «Іle Alataýy memlekettik ulttyq tabıǵı parki» respýblıkalyq memlekettik mekemesiniń Aqsaı fılıalynda ilbis vıdeoǵa túsip qaldy, dep habarlaıdy QazAqparat tilshisi.

Qar ústinde aıańdaǵan janýardyń vıdeosy ulttyq parktiń Instagram-paraqshasynda jarııalandy.
«Ulttyq park aýmaǵyn ilbis burynnan meken etetini belgili. Osyǵan oraı byltyrdan beri Ulttyq parktiń ǵylymı zertteý qyzmetkeri men Aqsaı fılıalynyń ańtanýshy-bıolog mamany Aqsaı fılıalynda zertteý jumystaryn júrgizip keledi. Ulttyq park pen Zoologııa ınstıtýty arasynda ǵylymı áriptestik kelisimsharty negizinde jumystar atqarylady. Aqsaı saıynda adamdarǵa jaqyn mekendep júrgen ilbis (barys) memlekettik ınspektorlardyń qadaǵalaýynda», - delingen jazbada.
Buǵan deıin Terıologııa zerthanasynyń meńgerýshisi, Zoologııa ınstıtýtynyń qar barysy monıtorıng ortalyǵynyń basshysy Alekseı Grachev Іle Alataýynda ómir súretin 40 qar barysynyń 23-i Almatydan 30 shaqyrym jerde, beseýi qalanyń Bostandyq jáne Medeý aýdandarynyń aýmaǵynda mekendeıtinin aıtqan edi.

Vıdeodan alynǵan kadr