Adamdarǵa shapqan ash qasqyrdy atyp óltirdi

ASTANA. QazAqparat - Belarýstegi  Bragınsk aýdanynda adamdarǵa shapqan urǵashy qasqyr atyp óltirildi. Bul týraly BELTA tilshisine jergilikti ańshylyq uıymnyń múshesi Roman Geleznık aıtqan.

«5-6 qańtar kúnderi ańshylar toby túnde kórý qurylǵysymen qasqyrdyń izine tústi. Túz taǵysynan zardap shekkender onyń óte iri ekendigin aıtqan bolatyn. Biz jalǵyz jortqan urǵashy qasqyrdy atyp óltirdik»,-dedi ol.

Komarın kentinde atalǵan qasqyr 2 qańtar kúni er adamǵa shabýyl jasap, onyń qolyn jaralap ketken.

Ekinshi oqıǵa da osy mańaıda janarmaı quıý stantsııasynyń janynda bolǵan. Saýda dúkenine velosıpedpen kelgen adamǵa tosynnan qasqyr shapqan. Álgi azamat jantalasa qarsylasqanymen jyrtqysh onyń da qolyn jaralap ketken.  

Túz taǵysynan zardap shekkenderge qajetti medıtsınalyq kómek kórsetilip, qutyrmaǵa qarsy arnaıy ekpe egildi.