Adamdarǵa degen senimdi eshqashan joǵaltpaý kerek
ASTANA. 8 shilde. QazAqparat - BBC News agenttigine silteme jasap, Jas Alashtyń habarlaýynsha, Selford Barrı Istvýd atty aǵylshyn azamatynyń bankten shyqqan kezinde baıqaýsyzda aıaǵy shalynyp, qolyndaǵy bir myń fýnty shashylyp qalǵan.
Dál sol sátte jel turyp, aqshany kókke kóterip alyp ketken. Biraq ary-beri júrgen júrginshiler jelmen ushqan aqshany qýyp júrip ustap, ony ıesine qaıtaryp bergen. "Men qulap túskennen keıin jedel basymdy kóterdim. Aqshamnyń aspanda ushyp júrgenin, al adamdardyń sekirip, ony ustap jatqanyn kórip: "Jańa ǵana osy aqsha meniń qolymda boldy ǵoı?!." dep oıladym. Aqshadan aıyrylǵanyma qapysyz sendim ári kóndim de. Shynymdy aıtaıynshy, adamdar maǵan aqshany qaıtaryp berip jatqanda qatty tańǵaldym. Kóligime otyra sala jandármen qaıtarylǵan aqshany sanasam... bir myń fýntqa 20 fýnt qana jetpeıdi eken...", - deıdi Istvýdtyń ózi.
Júrginshiler Selford Barrı Istvýdqa aqshasymen qatar qujattary men bank qaǵazdary salynǵan ámııanyn qaıtaryp beripti. Istvýd qulaǵan kezde ámııany da asfaltqa ushyp tússe kerek.
Barrı Istvýd jýrnalısterge adamdarǵa degen senimin endi eshqashan joǵaltpaıtynyn moıyndady.
