Adamdardyń uzaq ómir súrýine eshkim de kináli emes - G. Marchenko
ASTANA. 16 mamyr. QazAqparat - Adamdardyń uzaq ómir súrýine eshkim de kináli emes. Búgin Parlament Senatynda «Qazaqstan Respýblıkasynda zeınetaqymen qamsyzdandyrý týraly» zań jobasyn talqylaý barysynda QR Ulttyq bank tóraǵasy Grıgorıı Marchenko osylaı málim etti.
«Zań jobasynyń basty maqsaty qarajat únemdeý degenge men kelispeımin, bul jalǵan. Men búgingi júıe qurdymǵa ketedi degenmen de kelispeımin, tek bul júıeni jańǵyrtý jumystary ǵana júzege asyp jatyr. Muny mınıstr durys aıtty. Jalpy adamdardyń uzaq ómir súrýine eshkim de kináli emes. Sondaı-aq «bebı bým» tolqynyna dóp kelgenderdiń búgingi ýaqytta zeınetke shyǵyp jatqanyna da eshkim kináli emes. Sol tolqynǵa osy zalda otyrǵandardyń basym bóligi jatady dep oılaımyn», degen Ulttyq bank tóraǵasy aldaǵy onjyldyqta zeınetkerler sany odan saıyn arta túsetinin atap ótti. Zań jobasy osydan týyndaıtyn problemalarǵa erterek qamdanýǵa baǵyttalǵan.
