Adamdardyń úshten biri qyzǵanshaq bolyp keledi - mamandar zertteýi
ASTANA. QazAqparat - III Karlos atyndaǵy Madrıd ýnıversıetetiniń zertteýshileri adamdardy olardyń jeke bas erekshelikterine qaraı 4 túrge bólýge bolatyndyǵyn málim etti.
Olar: qyzǵanshaqtar, optımıster, pessımıster jáne sengish azamattar. Bul týraly Science Advances ǵylymı jýrnalynda jarııalanǵan maqalada aıtylǵan, dep jazady lenta.ru.
Arnaıy tájirıbe barysynda ǵalymdar 541 adamdy túrli áleýmettik jaǵdaılar boıynsha synaqtan ótkizdi. Synaqtyń nátıjesi kompıýterlik taldaýǵa jiberildi. Taldaý jumystarynyń nátıjesi boıynsha, synaqqa qatysqan azamattardyń 90 paıyzy aldynda aıtylǵan sanattarǵa jatatyn bolyp shyqty. Naqtyraq aıtqanda, synaqqa qatysqan azamattardyń 30 paıyzy qyzǵanshaqtar, 60 paıyzy bolashaǵynan zor úmit kútetinder, ıaǵnı optımıster, qalǵan 20 paıyzynyń jartysy pessımıster men sengish adamdardyń qatarynda bolyp shyqty. Al, azamattardyń 10 paıyzyna qatysty málimetterdi kompıýter anyqtaı almady.
Ǵalymdardyń aıtýynsha, azamattardyń jeke bas qasıetterine qatysty mundaı jikteý jumystary alǵash ret uıymdastyrylýda.
