Adamdardyń robot sııaqty oılaýynan qorqý kerek - Apple basshysy
ASTANA. QazAqparat -Tehologııalardy adamzattyń jalpy qundylyqtaryn eskere otyryp, engizý qajet. Bul týraly Apple basshysy Tım Kýk aıtty, dep habarlaıdy TASS .
Tım Kýk Qytaıda ótken 4-shi Búkilálemdik ınternetti basqarý jónindegi konferentsııa sóılegen sózinde jasandy ıntellektiden úreılenýdiń qajeti joq ekenin aıtty.
«Mashınalardyń adam sııaqty oılaýynan qorqýdyń qajeti joq, kerisinshe adamdardyń robottar sııaqty oılaýynan qorqý kerek. Biz tehnologııalardy jalpyadamzattyq qundylyqtarǵa saı etip engizý jaǵyn oılastyryp jatyrmyz», - dedi ol.
Tım Kýktyń aıtýynsha, korporatsııa jasandy ıntellekt tehnologııalary boıynsha «búkil adamzattyń ıgiligi jolynda» álemniń túkpir-túkpirindegi seriktestermen yntymaqtastyq jasaýǵa múddeli.
Sondaı-aq, ol ashyqtyq jáne jasampazdyq moraldyq normalardy saqtaý men jeke qaýipsizdikti qamtamasyz etýde árbir adamdy qorǵaý múmkindigin beretindigin de jetkizdi.
Foto: © AP Photo/Marcio Jose Sanchez
