Adamdardyń mazasyn alatyn kóshe saýdagerleri men balgerlerge aıyppul salynady

ASTANA. QazAqparat - Adamdardyń mazasyn alatyn kóshe saýdagerleri men balgerlerge aıyppul salynady. Bul týraly búgin elorda ákimdiginde ótken Ákimshilik quqyq buzýshylyq kodeksiniń jańa baptaryn túsindirýge baǵyttalǵan semınarda Astana qalasy prokýrorynyń aǵa kómekshisi Sholpan Kóshenova málim etti.

Qoǵamdyq oryndarda adamdarǵa tıisý syndy quqyq buzýshylyqtyń jańa túri paıda boldy, máselen oǵan kásipker bolyp tabylmaıtyn tulǵalardyń taýarlardy satyp alý, satý nemese aıyrbastaý maqsatynda mazany alý, bal ashý, jynystyq sıpattaǵy jáne ózge de qyzmetter usyný jatady. Endi olarǵa aıyppul qarastyrylǵan. Eger qaıtalanatyn bolsa, odan qatań jaýapkershilikke tartylady. Eger bul quqyq buzýshylyqty shetel azamaty nemese azamattyǵy joq tulǵa jasaǵan bolsa, ákimshilik qamaýǵa alynyp, QR aýmaǵynan shyǵarylady", - dep atap ótti ol.

Osylaısha, qaladaǵy qoǵamdyq oryndarda kóshede adamdarǵa óz taýarlaryn tyqpalap, satyp alýǵa úgitteıtin tym beımaza "saýdagerlerge" jáne balgerlerge, sondaı-aq "túngi kóbelekterge" qomaqty somada aıyppul salynady.

Ákimshilik quqyq buzýshylyq kodeksiniń jańa redaktsııasy 2015 jyldyń 1 qańtarynda kúshine endi.