Adamdardyń 95%-y vaktsına almasa, biz pandemııany tizgindeı almaı qalamyz – frantsýz epıdemıology
BOıÝSSELЬ. QazAqparat – Frantsııa úkimetine keńes beretin densaýlyq saqtaý salasyndaǵy ǵalymdar toby halyqtyń 95%-yn vaktsınalaý kerek ekenin eskertti, dep habarlaıdy QazAqparattyń menshikti tilshisi.
Frantsýz mamandary COVID-19-dyń delta-nusqasynyń taralýyn toqtatý úshin el turǵyndaryna ekpe salý kerek dep sanaıdy.
«Delta-nusqamen baılanysty pandemııanyń tórtinshi tolqyny tez taralyp, vaktsınalaýdyń qazirgi joǵary deńgeıine qaramastan, densaýlyq saqtaý júıesine shyǵyn keltirýi múmkin», - dedi ǵylymı keńestiń ókilderi frantsýzdyq BAQ-qa.
«Adamdardyń 90-nan 95 paıyzyna deıin vaktsına almasa nemese ınfektsııa juqtyrǵan bolmasa, pandemııany qadaǵalaı almaı qalamyz», - dep qosty mamandar.
Qazirgi kezde Frantsııa turǵyndarynyń jartysyna jýyǵy vaktsınanyń birinshi dozasyn, 40%-y ekinshi dozasyn alǵan. Respýblıka úkimeti osy jyldyń tamyz aıynyń aıaǵyna deıin Frantsııa halqynyń úshten ekisin – 35 mln turǵyndy tolyq qorǵaýdy qamtamasyz etýdi josparlap otyr.
Karantındi jeńildetý boıynsha sharalardan keıin Frantsııada juqtyrý jaǵdaılarynyń ósýimen baılanysty el prezıdenti Emmanýel Makron dúısenbi kúni pandemııamen kúrestiń jańa sharalary týraly habarlaıdy dep kútilýde.
Frantsııanyń ǵylymı keńesi alǵash ret Úndistan, Anglııa, Shotlandııa, Irlandııa jáne Portýgalııada anyqtalǵan delta-nusqanyń taralýyn qadaǵalaýdy kúsheıtýge shaqyrdy.
