Adamdardyń 60%-da koronavırýsqa qarsy ımmýnıteti bolǵanda pandemııany toqtata alamyz - Damır Kóbjasarov
«Elimizde ınfektsııaǵa qarsy ımmýnıteti bar azamattar sany artyp keledi. Qazaqstandyqtardyń 60%-y qajetti ımmýnıtetke ıe bolǵanda pandemııany toqtata alamyz. Sonymen qatar sapaly vaktsına jasap shyǵarylýy múmkin degen úmittemiz. Qazirgi ýaqytta qazaqstandyq vaktsına (QazCovid-in®) DDU-na I jáne II fazalyq klınıkalyq zertteýlerge kandıdat vaktsına retinde tirkeldi. Ol Almaty qalasyndaǵy Ftızıopýlmonologııa Ulttyq ǵylymı ortalyǵynda klınıkalyq synaqtan ótetin bolady. Tájirıbege 18-50 jas aralyǵyndaǵy densaýlyǵy jaqsy eriktiler qatysa alady», - dep atap ótti Damır Asylanuly.
Sonymen qatar, Damır Kóbjasarov QR Densaýlyq saqtaý mınıstrliginiń koronavırýs boıynsha jasap jatqan boljamdarynyń dáldigne qatysty pikir bildirdi.
«COVID-19 árdaıym qoldanystaǵy epıdemıologııalyq zańdar men qaǵıdalarǵa baǵynbaıtyn zerttelmegen jańa ınfektsııa. Aǵymdaǵy jyldyń maýsym-shilde aılarynda qysqa merzim ishinde indet juqtyrǵandar sany kúrt ósti. Naýqastarǵa ýaqytyly kómek kórsetýge medıtsınalyq uıymdardyń múmkindigi jetkiliksiz boldy. Oǵan dári-dármek, jeke qorǵaný quraldary, ókpeni jasandy jeldetý apparattary jáne oksıgenatorlar tapshylyǵy máselesi qosyldy. Elimizdiń densaýlyq saqtaý júıesi osy qatelikterden sabaq aldy jáne bolýy múmkin koronavırýstyń ekinshi tolqynyna daıyndyq jumystaryn pysyqtady. Degenmen indettiń jańa tolqynyna qatysty jasalǵan negatıv boljam múlde oryndalmaýy da múmkin. Boljamdar aldaǵy eki aptaǵa jáne 2 aıdan 4 aıǵa deıingi merzimge jasalady. Tájirıbe kórsetkendeı uzaq merzimdi boljamdarǵa qaraǵanda qysqa merzimdi jobalaý dál keledi» - dedi QR DSM Qoǵamdyq densaýlyq saqtaý ulttyq ortalyǵynyń dırektory Damır Kóbjasarov.
Eske sala keteıik, bıyl tumaýǵa qarsy vaktsına 10 qyrkúıek pen 10 qarasha aralyǵynda júrgiziledi. Ony júkti áıelder (2-3 trımestrde), medıtsınalyq qyzmetkerler men 18 jasqa deıingi sozylmaly aýrýlary bar balalar, ınternat, balalar úıi sııaqty jabyq mekemelerde ornalasqandar, sondaı-aq múmkindigi shekteýli jandar men jasy 60-tan asqan azamattar tegin ala alady.