Adamdardy 25 mıllıon teńgege aldap soqqan almatylyq áıel ustaldy
Alataý aýdandyq polıtsııa basqarmasynyń málimetinshe, qala turǵyndaryna «jaqsy jaǵdaı jasaımyn» dep aldap ketken 44 jastaǵy D.esimdi azamatsha ustaldy.
«Tergeý barysynda áıel adamnyń ózgelerdiń senimine kirip, jer telimderin, páterlerdi jáne basqa da jyljymaıtyn múlikti naryq baǵasynan tómen baǵaǵa satyp alýdy usynǵany anyqtaldy. «Klıentter» jetkilikti boldy. Kúdikti adamdardan «satyp alý» ornyna qaraı 2 mıllıonnan 7 mıllıonǵa deıin bastapqy jarnany alǵan soń iz-túzsiz joǵalyp ketken. Qazirgi ýaqytta onyń 14 alaıaqtyqqa qatysqany dáleldendi», – deıdi Alataý aýdandyq polıtsııa basqarmasynyń bastyǵy Іlııas Ómirserikov.
Jalpy materıaldyq shyǵyn – 25 mln teńgeden asady.
Kúdikti ustaldy jáne QR Qylmystyq is júrgizý kodeksiniń 128-babyna sáıkes ýaqytsha ustaý ızolıatoryna qamaldy.
«Buryn D.esimdi azamatshanyń sottylyǵy bolǵan joq. Alaıda onyń basqa epızodtarǵa qatysy bar bolýy múmkin ekendigi joqqa shyǵarylmaıdy. Osyǵan oraı, azamattardy sýretke qarap, jeke basyn anyqtaǵan jaǵdaıda myna telefon nómirleri arqyly habarlasýlaryn suraımyz: 227-55-02; 8-708-380-54-00; 8-708-374-74-25», – dedi polıtsııa ókili.