Adamdardyń oıynǵa táýeldi bolyp qalýynyń basty sebepteri qandaı
ASTANA. Kazinform – Qazaqstandaǵy oıynǵa táýeldilikpen kúres baǵdarlamasynyń jetekshisi Aleksandr Rýşýk adamdardyń oıynǵa táýeldi bolyp qalýynyń basty sebepterin aıtty.
— Men 10 jyldan beri osy salada Ýkraınada, Eýropada jáne Qazaqstanda jumys istep kelemin. Soǵan saı adamdardyń oıynǵa táýeldi bolyp qalýynyń san túrli sebepterine kez boldym. Buryn qumar oıyny dep sportqa bás tigýlerdi aıtýshy edik, kompıýterlik oıyn onyń qataryna tipten jatpaıtyn. Al qazir ol ekeýi birigip ketti. Sebebi qazirgi kompıýterlik oıyndardyń bárinde derlik aqsha salý tetigi bar. ıAǵnı ol da qumar oıynyna aınalyp ketti, - dedi ol «Balalar men jasóspirimder arasyndaǵy oıynǵa táýeldilik» taqyrybyndaǵy konferenferentsııa barysynda.
Mamannyń aıtýynsha, oıynǵa táýeldilik – adamnyń óz ómirine kóńili tolmaýynyń kórinisi.
— Biz áýeli adamnyń nege óz ómirine kóńili tolmaıdy degendi anyqtap alýymyz kerek. Oǵan birinshi sebep bala men ata-ananyń arasynda jyly qarym-qatynastyń bolmaýy. Ata-ana balasynyń oqýyn, úlgerimin suraıdy, biraq onyń ishki jan-dúnıesine úńilmeıdi. Oǵan ne unaıdy? Ne oı mazalap júr? Qandaı armany bar? Qandaı is qolynan kelmeı jatyr? Osy sekildi suraqtar qoıylmaıdy. Jan dúnıeniń ishki baılanysyna mán berilmeıdi. Bul — basty sebep! – deıdi sarapshy.
Odan bólek óz qajettiligine qol jetkizý daǵdylarynyń, adamdarmen baılanys ornatý qabiletiniń jetispeýshiligi de negizgi sebepter qataryna jatady.
— Uıalý, qysylý, qorqynysh jáne ózin kem sezinýden kóptegen adam óz qajettiligin qanaǵattandyra, keregine qol jetkize almaıdy. Sodan baryp kóptegen adamda emotsııanyń tunshyǵýy paıda bolady. Olar ony shyǵarý úshin devıantty qylyq shyǵarady. ıAǵnı, táýeldiliktiń kez kelgen túrine urynady. Men tanıtyn osyndaı adamdardyń ishinde birneshe dıplomy bar, syrtynan qaraǵan kisi onyń ómirine qyzyǵatyndaı jandar boldy. Biraq olar ishteı baqytsyz edi. Bundaı kúıin olar eń jaqyn adamdaryna da kórsetpeıdi, - deıdi Aleksandr Rýşýk.
Aıta keteıik, buǵan deıin sarapshy ata-anasy az kóńil bóletin bala vırtýaldy oıynǵa ońaı táýeldi bolatynyn aıtqan edi.
Sondaı-aq ata-ana balasynyń psıhologııalyq dertke shaldyqqanyn moıyndaı almaýy lýdomandardy der kezinde saýyqtyrýǵa úlken kedergi keltiretinin jazǵan bolatynbyz.