230 mln teńgeni aldap alǵan kúdikti Qyrǵyzstannan ekstradıtsııalandy

ASTANA. KAZINFORM - Qazaqstan Bas prokýratýrasy Qazaqstan azamatshasyn asa iri kólemde alaıaqtyq jasaǵany úshin qylmystyq jaýaptylyqqa tartý maqsatynda Qyrǵyz Respýblıkasynan ekstradıtsııalady.

Bas prokýratýraAtalǵan tulǵa 2023 jyldyń maýsymynda adamdar tobynyń aldyn ala sóz baılasýy boıynsha Almaty qalasyndaǵy bankterdiń birine klıentterdiń atynan olardyń banktik shottaryna tirkelgen abonenttik nómirlerin ózgertý týraly habarlamalar jiberip, osylaısha bank shottaryna qol jetkizgen.

Osydan keıin kúdikti qashyqtan qol jetkizý arqyly 5 jábirlenýshiniń shotynan «dropperlerdiń» banktik shottaryna aqsha aýdaryp, olardyń qarajatyn ıemdengen.

Onyń qylmystyq áreketteriniń saldarynan jábirlenýshilerge 230 mıllıon teńgeden astam shyǵyn keltirilgen. Osy jyldyń qańtarynda ol Bishkek áýejaıynda ustalyp, Qazaqstan Respýblıkasy Bas prokýratýrasynyń suraýy boıynsha Otanyna ekstradıtsııalandy. Qazir kúdikti ýaqytsha ustaý ızolıatoryna qamaldy. Aıyptalǵan qylmysty jasaǵany úshin múlki tárkilenip, bes jyldan on jylǵa deıingi merzimge bas bostandyǵynan aıyrý jazasy qarastyrylǵan.

Buǵan deıin alaıaq BQO turǵyndaryn 200 mln teńgege otyrǵyzyp ketkenin jazǵan bolatynbyz.