Adamdar zardap shekken joq: Mańǵystaýda gaz qubyry jelisindegi órttiń jaıy belgili boldy

AQTAÝ. KAZINFORM – Mańǵystaýda magıstraldy gaz qubyrynda oryn alǵan órttiń shyǵý sebebine qatysty jaýapty tarap pikir bildirdi.

Keshe túnde óńirdegi Beıneý aýdanynda «Ortalyq Azııa – Orta magıstraldy gaz qubyry» jelisinde jarylys oqıǵasy oryn alǵan bolatyn. Atalǵan jaǵdaıǵa qatysty «Qazaqgaz» AQ jaǵdaıǵa qatysty túsinikteme berdi.

«18 naýryzda shamamen keshki saǵat 23.00-de «Ortalyq Azııa – Orta magıstraldy gaz qubyry» lýpınginiń kúzetiletin aımaǵynyń kondensat jınaǵyshy jelisinde gaz aýa qospasy jarylyp, arty órtke ulasty. Saǵat 23:13-de kelisim boıynsha qyzmet kórsetetin memlekettik emes órtke qarsy qyzmeti tilsiz jaýdy tolyq sóndirdi. Oqıǵadan zardap shekkender joq. Gaz tasymaldaý nysandaryna zalal kelmegen. Sonymen qatar munda jumys shtattyq rejımde júrip jatyr», - dep jazylǵan «Qazaqgaz» AQ taratqan aqparatta.

Belgili bolǵan derek boıynsha, órt halyqty gazben qamtamasyz etý jáne gazdy tasymaldaý jumystaryna esh kedergi keltirmegen. Qazirgi ýaqytta órttiń shyǵý sebebi anyqtalyp jatyr.

Osyǵan deıin Mańǵystaýda «IntergazOrtalyqAzııa» AQ-nyń SATs-4 magıstraldi gaz qubyrynda jarylys bolǵany aıtylǵan edi.