Adamdar WhatsApp-tan bas tartýy múmkin be – zertteý
NUR-SULTAN. QazAqparat - «Adamdar úzdiksiz paıdalanyp júrgen ınternet-servıster tegin jáne paıdasyz emes. Kóptegen adamdar olarsyz ómirin elestete almaıdy», dep jazady nemistiń Die Welt basylymy.
Avtordyń aıtýynsha, AQSh Ulttyq ǵylym akademııasynyń jýrnalynda ekonomıster júrgizgen zertteý nátıjeleri jarııalanǵan.
«Zertteý barysynda ǵalymdar adamdardyń belgili bir ınternet-qyzmetten bir aıǵa nemese bir jylǵa bas tartýy úshin olarǵa aqy tólegen. Eýropada júrgizilgen zertteý nátıjeleri kórsetkendeı, halyq WhatsApp, Facebook jáne kartografııalyq qyzmetten bas tartý úshin óte kóp aqsha suraǵan. Olar WhatsApp-tan bir aıǵa bas tartýǵa ortasha eseppen – 536 eýro, Facebook-tan - 97 eýro surasa, onlaın-kartalardan bas tartý qunyn 59 eýroǵa baǵalaǵan.
Al AQSh azamattary izdeý júıelerinen bas tartýǵa daıyn emes ekendikterin, qoldanystan shyǵarý qajet bolsa, ol úshin jylyna 17 530 dollar alatyndaryn jetkizgen. Odan keıingi orynda elektrondyq poshta (8414 dollar) jáne kartografııalyq qyzmetter (3648 dollar) tur.
